ԵՐԵՎԱՆ, 18 ապրիլի․ /Նովոստի-Արմենիա/․ Ռուսաստանի «Դոմոդեդովո» օդանավակայանում գտնվում է 262 ՀՀ քաղաքացի։ Այս մասին ասվում է ՌԴ-ում ՀՀ դեսպնության Facebook-յան էջում։
Ավելի վաղ ասվել էր, որ օդանավակայանում հայրենիք վերադառնալուն սպասում է 135 ՀՀ քաղաքացի։
Загружается новость ... "Лево"
Ռուսաստանում ՀՀ դեսպան Վարդան Տողանյանը կոչ է արել 262 անձից կազմված և դեսպանությանը ներկայացված ցուցակում հստակեցնել գրանցված քաղաքացիների առաջնահերթությունը:
Դեսպանը հորդորել է նաև քաղաքացիներին չմնալ օդանավակայանի տարածքում և ընդունել հյուրատներ տեղափոխվելու առաջարկը՝ տեղեկացնելով նաև, որ առաջիկա 4 օրերին Մոսկվայից դեպի Երևան չվերթ չի նախատեսվում։
«Ներկայացնում ենք «Դոմոդեդովո» օդանավակայանում գտնվող քաղաքացիների կողմից ուղարկված ամբողջական ցուցակը: Ցուցակը հրապարակվում է քաղաքացիների խնդրանքով»,- նշված է դեսպանության գրառման մեջ։
Հիշեցնենք, որ կորոնավիրուսի տարածումը կանխելու համար Ռուսաստանը մարտի 27-ին դադարեցրել է կանոնավոր և չարտերային թռիչքները դեպի այլ երկրներ: Ապրիլի 4-ի 00: 00-ից դադարեցվել են նաև միջազգային չվերթները ՌԴ քաղաքացիներից հայրենիք վերադարձի համար, որի համար նախկինում բացառություն էր արվել:-0-
