Մոսկվա-Երևան 3-րդ չարտերային թռիչքով Հայաստան է վերադարձել 230 քաղաքացի (ՎԻԴԵՈ)
ԵՐԵՎԱՆ, 12 ապրիլի․ /Նովոստի-Արմենիա/․ Մոսկվա-Երևան երրորդ չարտերային թռիչքով Հայաստան է վերադառնում 230 քաղաքացի։ Այս մասին ասվում է Ռուսաստանում ՀՀ դեսպանության Facebook-յան էջում։
««Red Wings» ավիաընկերության օդանավը «Դոմոդեդովո» օդանավակայանից դեպի Երևան ուղղություն վերցրեց։ Համընդհանուր ջանքերով հնարավոր դարձավ ապահովել 201 քաղաքացու անվճար մեկնումը հայրենիք»,- ասվում է գրառման մեջ։
«Մեր խորին երախտագիտությունն ենք հայտնում «Հայաստան» համահայկական հիմնադրամին («Տաշիր» բարեգործական հիմնադրամի հետ համագործակցությամբ) մոտ 60 քաղաքացու՝ հայրենիք անվճար վերադարձի ապահովման հարցում ցուցաբերած աջակցության համար»,- ասվում է դեսպանության հաղորդագրության մեջ։
Նշվում է նաև, որ Հայաստան մեկնել ցանկացող, բայց նշյալ չվերթով մեկնել չկարողացած 8 քաղաքացի օդանավակայանից տեղափոխվել է «Նոյ» հյուրանոց, իսկ 30 քաղաքացի՝ Պոդոլսկում գնտվող ժամանակավոր կացարան։-0-
