Միլիարդատեր Սամվել Կարապետյանի որդու և Սալոմե Կինցուրաշվիլու շքեղ հարսանիքը (ՏԵՍԱՆՅՈՒԹ)

ԵՐԵՎԱՆ, 5 հունիսի. /Նովոստի–Արմենիա/. Շաբաթ երեկոյան «Տաշիր» ընկերությունների խմբի սեփականատեր Սամվել Կարապետյանի ավագ որդու` Սարգսի հարսանիքն էր։

Միլիարդատերը շքեղ հարսանիք էր կազմակերպել իր 23–ամյա ժառանգի և նրա 25–ամյա հարսնացու Սալոմե Կինցուրաշվիլու համար, ով Buy By Me առցանց նախագծի համասեփականատեր է, հայտնում է tatler.ru–ն։



Ողջ գիշեր բազմագույն հորտենզիայի թփուտներով և նորապսակների սև–սպիտակ դիմանկարներով զարդարված դահլիճում հյուրերին զվարճացնում էին Անդրեյ Մալախովը և Տանյա Գևորկյանը, ռուսաստանի Պրիմադոննա Ալլա Պուգաչյովան, Վերա Բրեժնևան և Maroon 5 խումբը, որը դրանից մեկ օր առաջ համերգ էր տվել «Օլիմպիյսկի» ՄՀ–ում։



Սարգիսն ու Սալոմեն նույնպես գեղեցիկ էին կազմակերպել ամեն ինչ` նրանք ծանոթության տեսաբացիկ էին նախապատրաստել, որտեղ ներկայացել էին «Մեղքերի քաղաք» ֆիլմի հերոսների կերպարներով։ Իսկ այնուհետև պարել են հայկական ազգային պար հյուրերի հիացած հայացքների ներքո։



Սակայն ծրագրի մեխն ութհարկանի հարսանեկան տորթն էր, որը մի քանի րոպեով նույնիսկ խամրեցրեց հարսնացուի զգեստը Elie Saab–ից և Tiffany & Co.–ի Savoy ադամանդակուռ պսակաթագ, որը կրել է Քերի Մալիգանը «Մեծ Գեթսբի» ֆիլմի նկարահանումների ժամանակ։



Ի դեպ, նորապսակները ոչ միայն սովոր են շռայլ հանգստի, այլ նաև շատ աշխատելուն։ Այսպես, ՌԴ կառավարությանն առընթեր Ֆինանսական համալսարանի շրջանավարտ Սարգիս Կարապետյանը, լինելով հոր ընկերության փոխտնօրենը, պատասխանատու է կոմերցիոն անշարժ գույքի համար հողատարածքի գնման պահից մինչև օպերատիվ ղեկավարություն։ Իսկ Սալոմե Կինցուրաշվիլին ՄՊՀ–ի իր ընկերուհիներ Յանա Դեմիդովիչի և Վիկտորիա Կալինովսկայայի հետ կառավարում են դիզայներական պարագաների առցանց խանութ։

Ըստ elle.ru-ի, հարսանիքն ամենաշքեղներից մեկն է եղել և, ընդհանուր առմամբ, դրա վրա ծախսվել է երկու միլիոն դոլար։ -0-