Ի՞նչ անել, որպեսզի դիմակ կրելիս ակնոցը չքրտնի․ բոլորին զարմացրել է աղջկա առաջարկած պարզ միջոցը (ՖՈՏՈ)

ԵՐԵՎԱՆ, 28 մայիսի․ /Նովոստի-Արմենիա/․ Ակնոց կրող մարդիկ տառապում են նրանից, որ բժշկական դիմակներով իրենք ոչինչ չեն տեսնում։ Սակայն այդ ամենն անցյալում է։ Քրտնող ակնոցների դեմ կա մի հնարք, որի մասին վաղուց գիտեն մատնահարդարները։ Ընդամենը 2 պարզ շարժում և դուք կմոռանաք այդ խնդրի մասին։ Այս մասին հայտնում է medialeaks.ru-ն։

Հայաստանում կորոնավիրուսի տարածման ֆոնին մայիսի 25–ից սահմանվում է պարտադիր «դիմակային ռեժիմ»։ Այսուհետ հայաստանցիները պարտավոր են կրել պաշտպանիչ դիմակներ ոչ միայն փակ տարածքներում, այլև բաց։
Աշխարհի շատ երկրներում այս կանոնը գործում է արդեն մի քանի ամիս։ Բայց ոչ բոլորին է հարմար դիմակի մշտական կրումը։ Հարցը նույնիսկ նրանում չէ, որ դրանով շոգ է կամ անհարմար է շնչել, այլ այն, որ մարդիկ ոչինչ չեն տեսնում, քանի որ ակնոցը քրտնում է։

Սոցցանցերում շատերը կիսվում են իրենց լուսանկարներով այս խնդրի շուրջ։ Սակայն վերջերս Twitter-ի օգտատերերից մեկը մի լուսանկար է հրապարակել, որում առաջարկում է դրա պարզ լուծումը։

«Հույս ունեմ, կփրկեմ ինչ-որ մեկի ակնոցը։ Մատնահարդարների հին ու բարի հնարքը․ պտտեք դիմակը, և օդը դուրս կգա կողքերից, այլ ոչ թե դեպի ակնոցը»,- գրել է նա։

Надеюсь, я спасу чьи-то очки. Старый добрый лайвхак мастериц маникюра: перекручиваете маску и воздух выходит по бокам, а не в очки https://t.co/UMU1Jqe07B pic.twitter.com/DpbChexZvy

— Внучка Священной Войны (@holywarovna) May 25, 2020

Շատերը զարմացել են, թե ինչպես մինչև այդ իրենք չէին մտածել դրա մասին։-0-