Հանրային տրանսպորտի բացվելու դեպքում պարտադիր կանոններ կգործեն. Բադասյան (ՎԻԴԵՈ)
13:08
14 Մայիսի 2020
ԵՐԵՎԱՆ, 14 մայիսի./Նովոստի-Արմենիա/. Այս պահին Հայկական միասնական տեղեկատվական հարթակում մամուլի ասուլիս է տեղի ունենում՝ ՀՀ արդարադատության նախարար Ռուստամ Բադասյանի և ՀՀ Առողջապահության փոխնախարար Լենա Նանուշյանի մասնակցությամբ:
Загружается новость ... "Лево"
Մասնավորապես, մամուլի ասուլիսի ընթացքում անդրադարձ է կատարվում արտակարգ դրության երկարաձգումից հետո գործող նոր կանոններին:
Բադասյանը նաև ասուլիսի ընթացքում խոսել է հանրային տրանսպորտի բացվելու դեպքում ինչ կանոններ են գործելու:
«Եթե ինչ-որ փուլում հանրային տրանսպորտը սկսի աշխատել, ապա հանրային տրանսպորտից պետք է օգտվել միայն դիմակների օգտագործմամբ, կամ հանրային սննդի կետերում պարտադիր որոշակի պայմաններ սահմանել հանրային սննդի կետերից օգտվելիս»,- նշել է Արդարադատության նախարարը:
Նա ընդգծել է, որ պարետն այսուհետ նաև հնարավորություն է ունենալու հստակ սահմանել որոշակի վարքագծի կանոններ, որոնք պարտադիր պետք է ապահովվեն ազատ տեղաշարժի սահմանափակման կամ թույլ տրված ազատ տեղաշարժի շրջանակում:
Հայաստանում մարտի 16–ին մեկ ամսով հայտարարվել էր արտակարգ դրության ռեժիմ կորոնավիրուսի տարածումը կանխելու նպատակով։ Մարտի 24–ից ապրիլի 12–ը գործում էին մարդկանց տեղաշարժի և տնտեսական գործունեության սահմանափակումներ։ Ապրիլի 13–ին կառավարությունը որոշեց մեկ ամսով երկարացնել արտակարգ դրության ռեժիմը` մինչև 2020թ.–ի մայիսի 14–ը ժամը 17։00–ն։ Մայիսի 14-ին կառավարությունը կրկին երկարաձգել է արտակարգ դրության ռեժիմը՝ մինչև 2020 թվականի հունիսի 13-ը ժամը 17:00-ն ներառյալ:
Հայաստանում մայիսի 14-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 3860 դեպք, որոնցից 1572-ն` առողջացած, 49-ը` մահվան ելքով: -0-
Դետոքս ըմպելիքների օգնությամբ կարելի է ոչ միայն ազատվել ավելորդ կիլոգրամներից, այլև մաքրել օրգանիզմը տոքսիններից, լավացնել դեմքի մաշկի գույնը, ինքնազգացողությունն ու տրամադրությունը։ Եվ այս ամենի համար հարկավոր է ընդամենը երկու օր։
Եթե ցանկանում եք բարեկեցիկ կյանք, մի′ սպասեք, որ փողով ճամպրուկը կընկնի ձեր գլխին, գործեք: Եվ ամենից առաջ փոխեք ձեր հոգեբանությունը, հրաժարվեք կարծրատիպերից, փորձարկեք։ Թերևս այս հարցում ձեզ կօգնեն «Նովոստի–Արմենիա» գործակալության հրահանգները
«Նովոստի–Արմենիա» գործակալությունն ու «Արմենիա Ինշուրանս» ապահովագրական ընկերությունը պարզաբանում են խարդախ սխեմաների հիմնական տեսակները, որպեսզքի դուք չդառնաք նման սխեմայի մասնակից և չհայտնվեք տհաճ իրավիճակում
