Գյումրիում կորոնավիրուսից բուժված 5 պացիենտ է դուրս գրվել հիվանդանոցից

ԵՐԵՎԱՆ, 12 ապրիլի․ /Նովոստի-Արմենիա/․ Շիրակի մարզի 5 բնակիչներ առանց էական բարդությունների հաղթահարել են վիրուսային հիվանդությունը և դուրս գրվել Գյումրու ինֆեկցիոն հիվանդանոցից։ Այս մասին Facebook-յան իր էջում հայտնել է Շիրակի մարզպետ Տիգրան Պետրոսյանը։

«Այս պահին հիվանդանոցում 11 հիվանդ ունենք, որոնցից մի քանիսը շատ շուտով ևս կվերադառնան իրենց տներ»,- գրել է նա։

Նախօրեին կառավարությունում տեղի է ունեցել Հայաստանում կորոնավիրուսի տարածումը կանխարգելող աշխատանքները համակարգող հանձնաժողովի նիստը, որի ընթացքում ՀՀ վարչապետ Նիկոլ Փաշինյանը հանձնարարել է ներկայացնել արտակարգ դրության ռեժիմի երկարաձգման կառավարության որոշման նախագիծ։

Ապրիլի 12–ի ժամը 11–ի դրությամբ Հայաստանում գրանցվել է կորոնավիրուսով վարակման 1013 դեպք, 13 մարդ, ցավոք, մահացել է։–0–