ԵՐԵՎԱՆ, 7 մայիսի․ /Նովոստի-Արմենիա/․ Եղել են շտապօգնության աշխատակիցներ, ովքեր հրաժարվել են աշխատել կորոնավիրուսով վարակված պացիենտների հետ, սակայն նրանց որոշմանն ըմբռնումով են մոտեցել: Այս հայտնեց «Շտապ օգնություն» ՍՊԸ-ի տնօրեն Թագուհի Ստեփանյանը։
Նրա խոսքով՝ հրաժարված աշխատակիցները, հիմնականում, գտնվել են վարակման ռիսկային գոտում՝ տարիքային առումով։
Загружается новость ...
"Право"
«Մենք ունենք բժիշկներ, բուժքույրեր, ովքեր 55 տարեկանից բարձր են: Ընդհանրապես յուրաքանչյուր որոշման մոտեցել ենք ըմբռնումով: Եղել են դեպքեր, երբ արձակուրդ են վերցրել: Կարծում եմ, որ ամեն ինչ նորմալ է»,- ասաց Ստեփանյանը հինգշաբթի՝ Միասնական տեղեկատվական կենտրոնում տեղի ունեցած մամուլի ասուլիսի ժամանակ։
Ստեփանյանը հայտնեց, որ կա «բժիշկների ու բուժքույրերի շատ մեծ բանակ», ովքեր բացարձակ վախեցած չեն իրավիճակից, շատ պատրաստակամ են աշխատելու։
Ստեփանյանը հայտնեց, որ նման մասնագետներն իրենց դիմում են գրեթե ամեն օր աշխատելու համար ։
Հայաստանում մայիսի 7-ի, ժամը 11:00-ի դրությամբ հաստատվել է կորոնավիրուսով վարակման 102 նոր դեպք, ընդհանուր` 2884։ Կորոնավիրուսից առողջացումների թիվը կազմում է 1185: Փաստացի բուժվում է 1648 մարդ, իսկ ընդհանուր թեստերի թիվը՝ 28017: Մահացել է, ցավոք, 42 մարդ:-0-