Կորոնավիրուսի բուժման համար թեստավորվող ռուսական դեղամիջոցը, հնարավոր է, մատակարարվի ՀՀ
ԵՐԵՎԱՆ, 3 ապրիլի./Նովոստի-Արմենիա/. Բանակցություններ են ընթանում ռուսական «Տրիազավիրին» դեղամիջոցի Հայաստան մատակարարման շուրջ: Այս մասին ՏԱՍՍ-ի հաղորդմամբ հայտարարել է դեղամիջոցի արտադրությամբ զբաղվող «Մեդսինթեզ» ձեռնարկության տնօրենների խորհրդի նախագահ Ալեքսանդր Պետրովը:
Ավելի վաղ դեղամիջոցն ուղարկվել է Չինաստան՝ որպես հումանիտար օգնություն: Այնտեղ դեղամիջոցը փորձարկում են կորոնավիրուսի բուժման համար:
«Մենք հասցրել ենք [դեղամիջոցը] Թուրքմենստան: Դա հումանիտար խմբաքանակ չէ, այլ տրամադրվել են միջոցներ, և նրանք գնել են իրենց համար: Խմբաքանակը մեծ էր, մոտ 2 հազ. տուփ: Ամեն տուփի մեջ պարունակվում է 20 դեղահաբ»,- նշել է Պետրովը:
Նա հավելել է, որ բանակցություններ են ընթանում դեղամիջոցը Հայաստան մատակարարման շուրջ:
«Սպասում ենք Հարավային Կորեա ներկրման թույլատրվությանը, բայց նրանց մոտ դժվարություններ կան չգրանցված դեղորայքի գծով մաքսային օրենսդրության հետ: Հիմա քննարկվում է Իտալիայի հետ կլինիկական փորձարկումների հարցը: Բայց դա նույնպես երկար է տևելու, որովհետև նրանք այլ օրենսդրություն ունեն փորձարկումների շուրջ, քան Չինաստանը կամ Ռուսաստանը»,- նշել է Պետրովը:
«Տրիազավիրինը»՝ ազոլոազինների ընտանիքին պատկանող ուղիղ ներգործության ռուսական հակավարակային դեղամիջոց է: Դեղամիջոցը մշակողների հայտարարության համաձայն, այն արդյունավետ է գրիպի 15 տեսակների դեպքում: Մշակվել է Ուրալի դաշնային համալսարանի , ՌԳԱ-ի Ուրալի բաժնի Պոստովսկու անվան Օրգանական սինթեզի ինստիտուտի և ՌԴ ԱՆ գրիպի գիտահետազոտական ինստուտի գիտնականների կողմից: -0-
