ԵՐԵՎԱՆ, 22 մարտի․ /Նովոստի-Արմենիա/․ Չինացի բժիշկները սկսել են կամավորների վրա փորձարկել նոր կորոնավիրուսի դեմ վերջերս ստեղծված պատվաստանյութը, գրում է ՏԱՍՍ- ը՝ հղում անելով Global Times թերթին:
Հրապարակման համաձայն, դեղամիջոցը մշակվել է Չինաստանի Ժողովրդական ազատագրական բանակի ռազմական բժշկության գիտությունների ակադեմիայի մասնագետների կողմից՝ երկրի դեղագործական ընկերությունների հետ համատեղ: Աշխատանքի ընթացքում հաշվի է առնվել էբոլա վիրուսի դեմ պատվաստանյութ ստեղծելու փորձը:
Загружается новость ... "Лево"
Ինչպես նշել է հետազոտական խմբի ղեկավարը, պատվաստումների ընթացքում ծրագրի մասնակիցները չեն վարակվելու վիրուսով: Նրանց կտրամադրվեն հակամարմիններ, որից հետո կամավորների վրա կստեղծվի վերահսկողություն, որի խնդիրն է պարզել՝ արդյոք այդ մարդիկ անձեռնմխելիություն են ձեռք բերել վիրուսի դեմ:
Մասնագետներն արդեն ստացել են իշխանությունների պաշտոնական թույլտվությունը կլինիկական փորձարկումներ անցկացնելու համար: Թեստերի համար ստեղծվել է երեք խումբ, որոնցից յուրաքանչյուրը բաղկացած կլինի 18-ից 60 տարեկան 36 հոգուց, բոլորը՝ Ուուհան քաղաքից: Նրանք մեկուսացվելու են երկու շաբաթ, որից հետո վեց ամիս բժիշկները նախատեսում են դիտարկել, թե ինչպես է նրանց մարմինը արձագանքում բուժաշիճուկին: -0-
