Չեչնիայի բնակիչը փրկել է բազմահարկ շենքի պատուհանից կախված երեխային (ՎԻԴԵՈ)

ԵՐԵՎԱՆ, 5 օգոստոսի. /Նովոստի-Արմենիա/. Չեչնիայի բնակիչը ոստիկանի օգնությամբ փրկել է պատուհանի դրսի կողմից հայտնված երեխային, ընդ որում` գործել է առանց պաշտպանիչ միջոցների: Ականատեսը տեսագրել է վտանգավոր օպերացիան, գրում է «Вести.ру»-ն:

Չհաստատված տվյալներով, այդ կադրերը նկարահանվել են նախորդ շաբաթ Գրոզնիում: Թե ինչպես է տղան հայտնվել օդորակիչի տեղադրման համար նախատեսված կարճ հեծանի վրա, հանելուկ է մնում, ինչպես նաև այն, թե որքան ժամանակ է նա մնացել պատուհանագոգից բռնված:

Տեղի բնակիչները հասցրել են ոստիկանություն կանչել, բայց արդյունքում ինքնուրույն են գործել:

Ամրակազմ մի տղամարդ, կանգնելով պատուհանագոգին և բռնվելով սպլիտ-համակարգից, մեկ ձեռքով հանել է տղային և արագ փոխանցել նրան իրավապահին:

Ամեն ինչ հարթ է անցել, բայց հերոսի անունը մնում է անհայտ, այժմ, ինչպես պարզում է «Չեչնիան այսօր» ԼԳ-ը, տղամարդուն փորձում են գտնել իրավապահները: -0-