ԵՐԵՎԱՆ, 5 հունիսի․ /Նովոստի-Արմենիա/․ Ամերիկացի ձեռնարկատեր և «Microsoft» կորպորացիայի հիմնադիր Բիլ Գեյթսը հերքել է այն պնդումները, որ ինքը ցանկանում է օգտագործել նոր տիպի կորոնավիրուսի պատվաստանյութը՝ աշխարհի բնակչությանը չիպավորելու համար: Այս մասին հայտնում է ՏԱՍՍ-ը՝ հղում անելով «Business Insider» պորտալին:
«Ես միկրոչիպի նման բաներով երբեք չեմ զբաղվել: Դա ժխտելը շատ դժվար է, քանի որ դա շատ հիմար է կամ տարօրինակ», - մեջբերում է պորտալը ձեռներեցի խոսքերը: Նա նաև մտահոգություն է հայտնել, որ նման տեսությունները կարող են խոչընդոտել պատվաստանյութի տարածմանը և կոլեկտիվ իմունիտետի առաջացմանը:
Загружается новость ... "Лево"
Գեյթսը նշել է, որ պատվաստանյութի ստեղծումից հետո անհրաժեշտ է, առաջին հերթին, այն ուղարկել թույլ զարգացած առողջապահական համակարգ ունեցող և սոցիալական հեռավորության պայմանները պահպանելուհնարավորությա բացակայությամբ երկրներ: «Աշխարհը պետք է միասին աշխատի, որպեսզի անվտանգ և արդյունավետ պատվաստանյութ մշակի և համոզված լինի, որ մենք կարտադրենք դա այնպիսի մասշտաբներով, որ կարողանանք տրամադրել նրանց, ովքեր դրա կարիքը ամենից շատն ունեն, այլ ոչ թե պարտադիր նրանց, ովքեր կարող են ավելի շատ վճարել », - հավելեց Գեյթսը:
Համացանցում հաճախ են հայտնվում սուտ լուրեր այն մասին, որ կորոնավիրուսի տարածումը հատուկ գործողություն է պատվաստումների ժամանակ մարդկանց չիպավորելու համար:-0-
