Արայիկ Հարությունյանը դիմել է բուհերին ուսման վարձը չվճարած ուսանողների համար (ՎԻԴԵՈ)

ԵՐԵՎԱՆ, 30 մարտի․ /Նովոստի-Արմենիա/․ ՀՀ կրթության, գիտության, մշակույթի և սպորտի նախարար Արայիկ Հարությունյանը կոչ է արել բուհերի ռեկտորներին ուսումնական գործընթացից չհեռացնել ուսման վարձը չվճարած ուսանողնեին։

Հարությունյանը Facebook-յան իր էջում ուղիղ եթերի ժամանակ հայտնել է, որ գորություն է ուղարկել բուհերի ռեկտորներին։ Դրա մեջ ասվում է․

«Հիմք ընդունելով ՀՀ-ում նոր կորոնավիրուսի կանխարգելման համար հայտարարված արտակարգ դրությունը առաջարկում եմ արտակարգ դրության ժամանակահատվածում զերծ մնալ ուսման վարձավճարների չվճարման հետ կապված ուսանողներին ուսումնական գործընթացում չընդգրկելուց։ Արտակարգ դրության ավարտից հետո սահմնել ուսման վարձավճարների վճարման ժամանակացույց։ Միաժամանակ այն ուսանողները, որոնք նշված ժամանակահատվածում պատրաստակամություն կհայտնեն առցանց վճարելու ուսման վարձը, նրանց տրամադրել վճարման պայմանների մասին անհրաժեշտ տեղեկատվությունը»։

Սակայն նա նաև հորդորել է այն ուսանողներին, որոնք ունեն հնարավորություն վճարելու վարձը, անպայմանկ անեն դա։ Նա հիմնավորել է դա նրանով, որ դասախոսները և բուհերի այլ աշխատողներ աշխատավարձը ստանում են հենց այդ գումարից։-0-