Երևանում կորոնավիրուսով վարակված շտապօգնության 12 աշխատակից կա

07.05.2020, 19:06
Երևանում կորոնավիրուսով վարակված շտապօգնության 12 աշխատակից կա
Երևանում կորոնավիրուսով վարակված շտապօգնության 12 աշխատակից կա

ԵՐԵՎԱՆ, 7 մայիսի․ /Նովոստի-Արմենիա/․ Երևանում շտապօգնության 12 աշխատակիցների մոտ կորոնավիրուս է հայտնաբերվել: Այս մասին հինգշաբթի ասաց «Շտապ օգնություն» ՓԲԸ տնօրեն Թագուհի Ստեփանյանը:

Загружается новость ... "Лево"
«Այսօր մենք ունենք կորոնավիրուսով վարակման 12 դեպք։ Ասիմպտոմ վարակվածներ են, ոչ մի կլինիկական պատկեր չունեն այդ մարդիկ։ Նրանք մեկուսացված են համապատասխան հաստատություններում»,- նշեց նա:

Նա շեշտեց, որ Երևանում շտապօգնության աշխատակիցները ամբողջությամբ ապահովված են անհրաժեշտ պարագաներով և հատուկ աշխատանքային հագուստով, և ծառայությունն այս հարցում որևէ խնդիր չունի:

Ավելի վաղ ՀՀ առողջապահության նախարար Արսեն Թորոսյանը հայտնել էր, որ հանրապետությունում կորոնավիրուսով վարակվածների 13.4% -ը բուժաշխատողներ են: 

Հայաստանում մայիսի 7-ի, ժամը 11:00-ի դրությամբ հաստատվել է կորոնավիրուսով վարակման 102 նոր դեպք, ընդհանուր` 2884։ Կորոնավիրուսից առողջացումների թիվը կազմում է 1185: Փաստացի բուժվում է 1648 մարդ, իսկ ընդհանուր թեստերի թիվը՝ 28017: Մահացել է, ցավոք, 42 մարդ:-0-