Որքա՞ն է հավանական վարակվել կորոնավիրուսով մակերեսների միջոցով

ԵՐԵՎԱՆ, 17 հունիսի./Նովոստի–Արմենիա/. Շատ քիչ է հավանականությունը, որ կարելի է վարակվել կոոնավիրուսով` հպվելով վարակ պարունակող մակերեսների։

Ինչպես գրում է lenta.ru–ն, նման կարծիք է հայտնել ՌԴ ԱՆ գլխավոր արտահաստիքային ինֆեկցիոնիստ Ելենա Մալինիկովան։

«Շատ պայմաններ են պետք, որպեսզի վիրուսը մակերեսից փոխանցվի մարդուն», – նշել է նա` չներկայացնելով մանրամասներ։


Ավելի վաղ հեռուստահաղորդավարուհի և բժշկական գիտությունների դոկտոր Ելենա Մալիշևան, հղում անելով գիտնականների եզրակացություններին, նշել է, որ անհնար է վարակվել մակերեսների միջոցով։ Նրա խոսքով, համավարակի ընթացքում չի հայտնաբերվել նման որևէ դեպք։

Միաժամանակ Պետերբուրգում գտնվող Բոտկինի անվան հիվանդանոցի գլխավոր ինֆեկցիոնիստ Դենիս Գուսևը պնդել է, որ կարելի է վարակվել, թե սկզբում հպվենք վարակված առարկային, հետո լորձաթաղանթին, օրինակ` քորենք աչքերը։ Վարակի նման կոնտակտային ճանապարհը նա համարել է ավելի ակտուալ, քան օդակաթիլայինը։

Տարբեր մակերեսների վրա կորոնավիրուսի կենսունակությունը տարբեր է։ Ավելի պինդ և հարթ առարկաների, բժշկական դիմակների վրա վիրուսը կարող է ակտիվ լինել մինչև 7 օր, թղթի նման փափուկ մակերեսների և հագուստ վրա` մինչև 24 ժամ։–0–