ԵՐԵՎԱՆ, 12 հունիսի․ /Նովոստի-Արմենիա/․ ՀՀ առողջապահության նախարար Արսեն Թորոսյանը, պատասխանելով լրագրողների հարցին, թե Հայաստանը կորոնավիրուսի շրջանակումմ ինչ աջակցություն է ստանալու այլ երկրներից, հայտնեց, որ օգնությունը տարատեսակ է, սկսած մասնագիտակն զուտ կազմակերպչական առումով, վերջացրած կոնկրետ աշխատող բժիշտների։
Загружается новость ... "Лево"
«Մենք արդեն ունենք պլանավորված այցեր։ Վաղն ունենք 10 բժշկի այց հատուկ չվերթով Ֆրանսիայից, Լիտվիայի կառավարությունն է մեզ պատրաստ օգնել, հավանաբար մյուս շաբաթ կայցելեն, ՌԴ-ից մոտ հիսուն մասնագետ ցանկացել է օգնել և կրկին կայցելեն և տեղում կաշխատեն մի քանի շաբաթ, նաև ԱՀԿ-ի եվրոպական գրասենյակի հետ ենք բանակցությունների մեջ երկու տարբեր ուղղություններով»,- նշեց նախարարը։
Թորոսյանը հայտնեց, որ բժշկական արտակարգ իրավիճակների համար հատուկ ստեղծված թիմերի այցելության հետ կապված, հավանաբար դա կլինի կամ լեհական թիմ, կամ Իսրայելից, որոնք մեծ փորձ ունեն, տարբեր երկրներում։
«Նրանք հիմա օգնում են երկրներին։ Բայց այդ որոշումը դեռ վերջնական չէ։ Նաև ժամկետների մասին ԱՀԿ-ի մասով տեղեկություն չկա»,- ասաց նա։-0-
