Սուպեր–մարդիկ. պարզվել է այն մարդկանց կատեգորիան, ովքեր ունեն հզոր իմունիտետ կորոնավիրուսի դեմ

ԵՐԵՎԱՆ, 12 մայիսի./Նովոստի–Արմենիա/. Կան սուպեր–մարդիկ, որոնց մոտ ձևավորվում է առավել հզոր իմունային արձագանք`կորոնավիրուսով վարակվելուն ի պատասխան։ 

Այդ վարակակիրների մասին է խոսել ամերիկացի գիտնական–կենսաբան Անչա Բարանովան, գրում է medikforum.ru–ն։

Կենսաբանական գիտությունների դոկտոր,  ԱՄՆ–ում գործող GMU համակարգային կենսաբանության դպրոցի պրոֆեսոր Անչա Բարանովան նշել է այն մարդկանց կատեգորիան, ովքեր ունեն հզոր իմունիտետ կորոնավիրուսի նկատմամբ։

«Մենք ունենք սուպեր–մարդիկ, ովքեր ունեն այնպիսի հզոր իմունային արձագանք, որ նրանց հակամարմինները կարելի է օգտագործել մյուսներին բուժելու համար, ինչն էլ արվում է»,– նշել է Բարանովան։ 

Կենսաբանը պարզաբանել է, որ կորոնավիրուսի նկատմամբ հզոր և երկարատև իմունիտետ է ձևավորվում այն մարդկանց մոտ, ովքեր ծանր է տարել հիվանդությունը։ Գիտնականի խոսքով, «պացիենտների ընդամենը 7–8%–ի մոտ է ձևավորվում լավ և կայուն իմունիտետ վիրուսի նկատմամբ»։

«Կորոնավիրուսով հիվանդացածների մեծամասնությունն ունի տարբեր աստիճանի իմունիտետ, սակայն առնվազն 40%–ի մոտ այն բավականին թույլ է», – նշել է գիտնականը։ 

Կա նաև պացիենտների կատեգորիա (նրանք ևս մոտ 7–8% է), որոնց մոտ իմունիտետ չի ձևավորվում, չնայած հիվանդության ակտիվ զարգացմանը։ Օրգանիզմում վիրուսի հայտնվելու դեպքում օրգանիզմն օպերատիվ արձագանքում է ինտերֆերոնների արտադրությամբ, որոնք օգնում են արագ պայքարել պաթոգենի դեմ, սակայն նման կարճ ժամանակահատվածում հակամարմինները չեն հասցնում սինթեզվել։