Հղիների մասով ծրագիրը կիսահղի ծրագիր է․ Նաիրա Զոհրաբյան

ԵՐԵՎԱՆ, 22 ապրիլի․ /Նովոստի-Արմենիա/․ ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը չորեքշաբթի Ազգային ժողովում քննադատել է պետության կողմից ընդունված Հակաճգնաժամային միջոցառումների՝ հղիների աջակցության ծրագիրը։ Նրա կարծիքով դա կիսահղի ծրագիր է։

Կորոնավիրուսի տնտեսական հետևանքների չեզոքացման 7-րդ միջոցառման շրջանակում աջակցություն է տրվում այն հղի կականց, ովքեր չունեն ամուսին, կամ ում ամուսինները չեն հանդիսանում վարձու աշխատող։ Ընդ որում վարձու աշխատող չէ քաղաքացիաիրավական պայմանագրի հիման վրա աշխատանք կատարող կամ ծառայություն մատուցող անձը։ 

«Այստեղ ակնհայտ անհամաչափություն կա: Ասենք հղի ուսուցչուհի է, 27 հազար դրամ աշխատավարձ է ստանում, ինքը չի համարվում շահառու, բայց իր հար7անը, որի ամուսինը պայմանագրային ծառայող է, ստանում է 170 հազար դրամ աշխատավարձ, նա շահառու է։ Այդքան մեծ չեն հղիություն ունեցող  կանայք, եկեք այս հարցում տարբերակված մոտեցում չցուցաբերենք»,- ասել է Զոհրաբյանը:

Հայաստանում ապրիլի 22–ի դրությամբ գրանցվել է կորոնավիրուսով վարակման 1473 դեպք։ 633 մարդ առողջացել է, 24 մարդ, ցավոք, մահացել։ Փաստացի բուժում է ստանում 816 պացիենտ։–0–