ԵՐԵՎԱՆ, 10 հուլիսի․ /Նովոստի-Արմենիա/․ Իտալիայի իշխանությունները ժամանակավորապես արգելել են ԵՄ անդամ չհանդիսացող 13 երկրներից մուտքը հանրապետություն կորոնավիրուսի տարածման վտանգի պատճառով: Համապատասխան հրամանը հինգշաբթի ստորագրել է Իտալիայի առողջապահության նախարար Ռոբերտո Սպերանցան: Այս մասին հայտնում է ՏԱՍՍ-ը։
Загружается новость ... "Лево"
«Առողջապահության նախարար Ռոբերտո Սպերանցան, խորհրդակցելով արտաքին գործերի և տրանսպորտի նախարարությունների հետ, որոշել է արգելել մուտքը, նույնիսկ տարանցիկ, այն մարդկանց համար, ովքեր անցած 14 օրվա ընթացքում եղել են Հայաստանում, Բահրեյնում, Բանգլադեշում, Բրազիլիայում, Բոսնիա և Հերցեգովինայում, Չիլիում, Քուվեյթում, Հյուսիսային Մակեդոնիայում, Մոլդովայում, Օմանում, Պանամայում, Պերուում, Դոմինիկյան հանրապետությունում սանիտարական անվտանգության պատշաճ մակարդակի ապահովման համար », - ասվում է նախարարության տարածած հայտարարության մեջ: Այնտեղ նաև նշվում է, որ այդ երկրներ հետ ուղիղ և անուղղակի թռիչքները դադարեցվել են: Այս երկրներից ոչ մեկը ներառված չէ ԵՄ-ի, այսպես կոչված, կանաչ ցուցակում:
Ցանկացած եկող օտարերկրացի, ինչպես և արտասահմանից վերադարձող իտալացիները, պետք է անցնեն երկշաբաթյա կարանտին: Այն վերաբերում է նաև եվրոպական կանաչ ցուցակի 14 երկրների քաղաքացիներին: Անխոչընդոտ, Իտալիայի սահմանները բաց են միայն Շենգենյան երկրների քաղաքացիների համար: Շենգենյան տարածքից դուրս գտնվող երկրների մեծ մասի հետ կանոնավոր թռիչքները չեն վերականգնվել:
