ՀՀ-ում կորոնավիրուսով վարակվածների թվում կան դպրոցականներ և բուժաշխատողներ․ Թորոսյանը մանրամասնել է

ԵՐԵՎԱՆ, 26 մարտի․ /Նովոստի-Արմենիա/․ Հայասատնում կորոնավիրուսով վարակվածների մեջ կան նաև դպրոցահասակ երեխաներ, հինգշաբթի Միասնական տեղեկատվական կենտրոնում տեղի ունեցած մամուլի ասուլիսում ասաց առողջապահության նախարար Արսեն Թորոսյանը:

«Նրանք իրենց լավ են զգում, ախտանիշեր գրեթե չունեն: Կարող ենք ասել, որ նրանց մոտ մեղմ փուլ է կյանքին սպառնալիք չկա», - ասաց նա՝ հավելելով, որ այս պահին չի կարող նշել այն դպրոցականների թիվը, ովքեր ունեն կորոնավիրուսով:

Ըստ նրա, խելամիտ է ասել, որ վարակված դպրոցականները կարող են վարակի փոխանցող դառնալ, բայց ամբողջ աշխարհում հիվանդության պրակտիկան ցույց է տալիս, որ կորոնավիրուսը այս տարիքում մարդու ընդհանուր առողջության վրա լուրջ ազդեցություն չունի:

«Խոսելով տարիքային ռիսկի խմբերի մասին՝ նկատի ունենք տվյալ տարիքային բոլոր առողջ մարդկանց ընդհանուր վիճակը, ինչը չի բացառում բարդություններ քրոնիկ հիվանդություններով տառապող և թույլ իմունիտետ ունեցող մարդկանց մոտ: Եթե երեխան ունի իմունային անբավարարություն կամ անցնում է այլ հիվանդությունների բուժման ինտենսիվ ընթացք, ապա նա յատնվում է վարակիչ հիվանդությունների ռիսկային խմբում, այս դեպքում ՝ կորոնավիրուսի համար։Եվ մենք պետք է լրացուցիչ ջանքեր գործադրենք պաշտպանելու քիմիաթերապիա կամ այլ բուժում անցնող երեխաներին », - ասաց նախարարը:

Թորոսյանը նշել է այն միջոցների կարևորությունը, որոնք ուղղված են կորոնավիրուսով վարակի ամբողջ շղթայի և հնարավոր կապերի հայտնաբերմանը, որպեսզի տարիքային տարբեր խմբերի մարդիկ չդառնան վարակի կրող և չփոխանցեն այն թույլ առողջություն ունեցող մարդկանց:

«Համապատասխանաբար, անկախ տարիքից կամ առողջությունից լավ, բոլորը պետք է պահպանեն անվտանգության կանոնները, որպեսզի իրենց հարազատ մարդկանց հիվանդության պատճառ չդառնան: Եվ այս պահվածքը պետք է դառնա գերիշխող՝ գոնե մոտակա ժամանակահատվածում, մինչև չհայտնվի այնպիսի միջոց, որը լիովին բուժում է այդ վարակը », - ասաց նա:

Հայաստանում, հինգշաբթի, մարտի 26-ի ժամը 10.00-ի դրությամբ, արձանագրվել է կորոնավիրուսի 290 դեպք: Նրանցից 36-ի մոտ ախտորոշվել է թոքաբորբ, երկու հիվանդ գտնվում է ծայրահեղ ծանր վիճակում: 18 մարդ բուժվել և դուրս է գրվել հիվանդանոցներից, մահվան դեպքեր չեն գրանցվել:

Ինչ վերաբերում է բժիշկներին, նախարարն ասաց, որ նրանց համար ապահովվում է առաջին հերթին լավ կենցաղային պայմաններ, ապահովված են սնունդով, տրանսպորտով՝ տուն գնալու համար, հյուրանոցում ապրելու, քանի որ կան բժիշկներ, որոնք որոշել են տուն չգնալ, իրենք իրենց համարում են ռիսկային: «Բացի այս, 50 բուժաշխատող են վերապատրաստվել, որպեսզի հերթափոխեր ապահովվեն: Կորոնավիրուսով վարակված մոտ 70 պացիենտ գտնվում է օրթոպեդիայի ինստիտուտում, նրանց հետևում են օրթոպեդ-վնասվածքաբանները, որոնք հատուկ վերապատրաստում են անցել»,-ասաց նա:-0-