ԵՐԵՎԱՆ, 25 մարտի./Նովոստի-Արմենիա/. Հայաստանում ավելի քան 2400 քաղաքացի գտնվում է մեկուսացման մեջ, չորեքշաբթի լրագրողներին ասաց ոստիկանապետի տեղակալ Հայկ Մհրյանը Հայկական միասնական տեղեկատվական կենտրոնում ասուլիսի ժամանակ:
Загружается новость ... "Лево"
Նոր կորոնավիրուսային հիվանդության կանխարգելման նպատակով մարտի 24-ի 23.59-ից սկսած մինչև մարտի 31-ի 23.59-ը Հայաստանում գործելու են քաղաքացիների տեղաշարժման և տնտեսական գործունեության նոր սահմանափակումներ:
«Տարածաշրջաններում մեկուսացված բոլոր 2419 քաղաքացիները, ովքեր նշվել են վարչապետի կողմից, վերահսկողության տակ են, որպեսզի տանից դուրս չգան և չխախտեն մեկուսացման ռեժիմը»,- ասել է Մհրյանը:
Նա նշել է, որ երեկվա տվյալներով, մեկուսացման ռեժիմի խախտումներ նրանց կողմից չեն արձանագրել, այնուամենայնիվ, երեկ չէ առաջին օրը նման դեպքեր գրանցվել են և շնորհիվ քաղաքացիների զգոնության, վերցվել վերահսկողության տակ:
Նրա խոսքով, քաղաքացիները զգոնություն են ցուցաբերում և օգնում ոստիկանության ծառայողներին հետևել մեկուսացման և ինքնամեկուսացման ռեժիմի խախտումներին:
Իր կողմից, Արդարադատության նախարարության հակակոռուպցիոն և քրեակատարողական քաղաքականության մշակման վարչության պետ Արփինե Սարգսյանը հիշեցնում է, որ մարտի 23-ին ԱԺ-ի կողմից երկրորդ ընթերցմամբ ընդունվել է Վարչական իրավախախտումների վերաբերյալ ՀՀ օրենսգրքում փոփոխություն և լրացում կատարելու մասին ՀՀ օրենքը և Քրեական օրենսգրքում լրացումներ կատարելու ՀՀ օրենքը:
Նրա խոսքով, օրենսդրական փաթեթի փոփոխությունները վերաբերում են ԶԼՄ-ների կողմից արտակարգ դրության պայմաններում տեղեկատվության հրապարակման օրենքի պահանջների և կանոնների չպահպանման դեպքում, ինչ պատասխանատվության կարող են ենթարկվել այս դեպքում:
«Այն դեպքում, եթե ԶԼՄ-ն հրապարակի տվյալներ, որոնց համար վարչական պատասխանատվության կենթարկվի և չհեռացնի տեղեկատվությունը, ապա կարող է կիրառվել տուգանք՝ նվազագույն աշխատավարձի 500-1000-ապատիկի չափով»,- նշել է Սարգսյանը:
Նա նաև հիշեցրել է, որ հաշվի առնելով արտակարգ դրության պայմաններում տեղաշարժի սահմանափակումները, խորհրդարանը նախատեսում է վարչական պատասխանատվություն ինքնամեկուսացման, տեղաշարժման սահմանափակումների խախտման համար, համաձայն որոնց նախատեսվում է տուգանք ՝ նվազագույն աշխատավարձ 100-250-ապատիկի չափով:
Նրա խոսքով, ինքնամեկուսացման ռեժիմի խախտման համար, որը հանգեցրել է հետևանքների, մասնավորապս, այլ անձի ոչ դիտարվորյալ վարակումը, ապա այդ դեպքում նախատեսվում է տուգանք նվազագույն աշխատավարձի 300-500-ապատիկի չափով կամ 1 ամիս կալանավորում:
«Նախատեսել ենք նաև այս հանցակազմի համար ծանրացնող հանգամանքներ, եթե առաջացրել է առողջությանը ծանր վնաս կամ 2 կամ ավելի անձի վարակում է առաջացրել (տուգանք ՝ նվազագույն աշխատավարձի 500-700-ապատիկի չափով, մինչև երկու ամիս կալանք կամ ազատազրկում ՝ մինչև 2 տարի): Եթե կանոնները խախտվել է և անզգուշությամբ առաջացրել մարդու մահ, ապա սա ենթակա է լինելու քրեական պատասխանատվության (2-4 տարի ժամկետով ազատազրկում)», - ասել է Սարգսյանը:
Չորեքշաբթի՝ մարտի 25-ի, ժամը 10: 00-ի դրությամբ Հայաստանում հաստատվել է կորոնավիրուսի 265 դեպք, բուժվել է 16 մարդ: –0–
