ԵՐԵՎԱՆ, 18 մայիսի․ /Նովոստի-Արմենիա/․ Հայաստանի արտաքին գործերի նախարարությունը հայտնել է Ռուսաստանից դեպի Երևան հաջորդ չարտերային չվերթների օրերը։
«Դեպի Երևան հաջորդ չարտերային չվերթները կիրականացվեն Սոչիից (մայիսի 19-ին), Մոսկվայից (մայիսի 25-ին), Սանկտ Պետերբուրգից (մայիսի 27-ին)»,- ասվում է ՀՀ ԱԳՆ-ի Facebook-յան էջում։
Կորոնավիրուսի տարածումը կանխելու նպատակով Ռուսաստանը մարտի 27-ին դադարեցրել էր կանոնավոր և չարտերային թռիչքները այլ երկրների հետ: Ներկայացված ռեժիմը դժվարություններ է առաջացրել Ռուսաստանում մոտ 2 հազար ՀՀ քաղաքացիների համար, ովքեր չեն կարողացել վերադառնալ Հայաստան կամ ապրել Ռուսաստանում:
Ընդհանուր առմամբ, ապրիլի 6-ից Ռուսաստանի «Դոմոդեդովո» օդանավակայանից 1287 ՀՀ քաղաքացիներ յոթ չարտերային չվերթերով ժամանել են Երևան:
Загружается новость ...
"Право"
Հայաստանում մարտի 16–ին մեկ ամսով հայտարարվել էր արտակարգ դրության ռեժիմ կորոնավիրուսի տարածումը կանխելու նպատակով։ Մարտի 24–ից ապրիլի 12–ը գործում էին մարդկանց տեղաշարժի և տնտեսական գործունեության սահմանափակումներ։ Ապրիլի 13–ին կառավարությունը որոշեց մեկ ամսով երկարացնել արտակարգ դրության ռեժիմը` մինչև 2020թ.–ի մայիսի 14–ը ժամը 17։00–ն։ Մայիսի 14-ին կառավարությունը կրկին երկարաձգել է արտակարգ դրության ռեժիմը՝ մինչև 2020 թվականի հունիսի 13-ը ժամը 17:00-ն ներառյալ:-0-
Հայաստանում մայիսի 18-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 4823 դեպք, որոնցից 2019-ն` առողջացած, 61-ը` մահվան ելքով:-0-
