ԵՐԵՎԱՆ, 7 մայիսի./Նովոստի–Արմենիա/. ԱՄՆ–ի Կոռնելի համալսարանի գիտնականները կարծում են, որ SARS-CoV-2 վիրուսը շատ վարակիչ է, քանի որ իր մեջ համադրում է այլ կորոնավիրուսների գենոմներ, գրում է mk.ru–ն` հղում անելով Journal of Molecular Biology–ին։
Загружается новость ... "Лево"
Գիտական աշխատանքի հեղինակները պարզել են, որ նոր կորոնավիրուսի գենոմը 96%–ով բաղկացած է ատիպիկ թոքաբորբի (SARS-CoV-1) վիրուսի գենոմից, որը 2003թ.–ին դարձել էր 774 մարդու մահվան պատճառ։ Միաժամանակ SARS-CoV-2–ը ներառում է նաև HCoV-HKU1 բարորակ մարդկային կորոնավիրուսի բնութագրեր, նշվում է հետազոտության մեջ։
Առաջին վիրուսը չափազանց վարակիչ չէ, միաժամանակ ունի բարձր մահացության ցուցանիշ։ Կորոնավիրուսի երկրորդ տեսակը` հակառակը, գրեթե չի վնասում, սակայն շատ արագ տարածվում է։ Այսպես, գիտնականները եկել են այն եզրակացության, որ դրանց սինթեզի արդյունքում ստացվել է բարձր վարակվածության և մահացության ցուցանիշով վիրուս։ Բացի մարդկանցից, այն վտանգավոր է նաև պրիմատների, կատուների, կզաքիսների համար, որոնց բջիջների ռեցեպտորները նման են մարդկանց ռեցեպտորներին։–0–
