ԵՐԵՎԱՆ, 22 մարտի./Նովոստի–Արմենիա/. Կորոնավիրուսի ուսումնասիրությունը թույլ է տալիս գնահատել հիվանդության միջին ինկուբացիոն (գաղտնի) շրջանը, որը տևում է 5,1 օր։
Այս մասին կիրակի տեղեկացրել է Ռոսպոտրեբնադզորը` հղում անելով տվյալների վրա, որոնք ստացվել են Բլումբերգում Ջոն Հոփքինսի անվան հանրային առողջապահության դպրոցի գիտնականների կողմից, հաղորդում է
ՏԱՍՍ–ը։
«SARS-CoV-2 կորոնավիրուսից առաջացած ինֆեկցիաների հանրամատչելի տվյալների վերլուծությունը թույլ է տվել գնահատել, որ հիվանդության միջին ինկուբացիոն շրջանը տևում է 5,1 օր», – նշվում է գերատեսչության հաղորդագրության մեջ։
Загружается новость ... "Лево"
Նշվում է նաև, որ ավելի քան 97% վարակակիրների մոտ հիվանդության ախտանիշներն ի հայտ են գալիս վարակվելուց 11,5 օր հետո, ինչը հաստատում է, որ անհրաժեշտ է սահմանել 14–օրյա կարանտին կորոնավիրուսի կասկած ունեցող անձանց համար։ Միաժամանակ նշվում է, որ 10 հազար մարդուց միայն 101–ի մոտ են ախտանիշներն ի հայտ գալիս կարանտինից դուրս գալուց հետո։
Ռոսպոտրեբնադզորը նաև տեղեկացնում է, որ այս տվյալները համընկնում են ավելի վաղ իրականացված ուսումնասիրությունների արդյունքների հետ։
Նշենք, որ ՀՀ կառավարությունը մարտի 16–ից ապրիլի 14–ը հայտարարել է արտակարգ դրություն երկրում կորոնավիրուսի տարածումը կանխելու նպատակով։
Մարտի 22–ի դրությամբ Հայաստանում գրանցվել է կորոնավիրուսով վարակման 190 դեպք, 2 մարդ առողջացել է։ Կորոնավիրուսով վարակման առաջին դեպքը հաստատվել է մարտի 1–ին, պացիենտն արդեն առողջացել է և դուրս է գրվել հիվանդանոցից։ Վարակակիրների շրջանում են Իրանից և Իտալիայից ժամանած ՀՀ քաղաքացիներ` Երևանի, Էջմիածնի, Մեղրիի և Չարենցավանի բնակիչներ, նրանց հետ շփված անձինք, ինչպես նաև Իտալիայի մեկ քաղաքացի և Ֆրանսիայից ժամանած անձ։ Վարակակիրների մեծ մասը, այդ թվում` դպրոցահասակ երեխան, Էջմիածնի բնակիչներ են, ինչպես նաև Երևանի արտադրամասում վարակակիրների հետ շփված անձինք։–0–
