ԵՐԵՎԱՆ, 30 մարտի․ /Նովոստի-Արմենիա/․ Հայաստանում կորոնավիրուսով վարակվածներից 85-ը Արարատի մարզի բնակիչներ են։ Արարատի մարզպետ Գարիկ Սարգսյանը Հ1-ին տված հարցազրույցուն մանրամասներ է ներկայացրել վարակվածների մասին։
«Արդեն հայտարավել է որ ունենք մեծ թվով կորոնավիրուսի վարակակիրներ և այս պահինն նրանց թիվը, մեր ունեցած տվյալներով, հասնում է մոտ 85-ի»,- ասել է Սարգսյանը։
Ըստ նրա՝ մարզի տարբեր համայնքներում եղել են մարդիկ, ովքեր խախտել են տեղաշարժման սահմանափակման պահանջները։ Եղել է նաև մեկուսացման մեջ գտնվող անձ, ով խախտել է այդ պայմանները և հաճախել աշխատանքի։ Այս անձը ենթարկվել է պատասխանատվության և տուգանվել 400 հազ դրամով։
Վարակվածները հիմնականում Մասիսի տարածաշրջանի բնակիչներ են, որոնք կապված են, արդեն հայտնի, արտադրամասի դեպքի հետ։ Այն գտնվում է Երևանում, սակայն շատ մեծ թվով աշխատակիցներ ունի հենց Արարատի մարզի՝ Մասիսի տարածաշրջանից։
Ըստ մարզպետի հայտնած տվյալների՝ մեծ թվով վարակվածները հիմնականում Մասիս քաղաքից են՝ 13 մարդ։ Շատ են նաև հիվանդները Նոր խարբերդից (9 մարդ), Նոր Կյուրինից (12 մարդ), Այնթապից (6 մարդ), Ջրաշենից (6 մարդ)։ Մնացած համայնքներում կան հիմնականում վարակման մեկական և երկուական դեպքեր։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում