ԵՐԵՎԱՆ, 14 մարտի./Նովոստի-Արմենիա/. Չինացի բժիշկները և մոլեկուլյար կենսաբանները պարզել են, որ նոր տեսակի կորոնավիրուսով վարակը երեխաների մոտ ծանր թոքաբորբ չի առաջացնում, սակայն վիրուսը երկար ժամանակ մնում է նրանց կղանքի մեջ: Դիտարկումների արդյունքները հրապարակել է գիտական Nature Medicine ամսագիրը, հաղորդում է ՏԱՍՍ-ը:
«ՀիվանդությանԿլինիկական ախտանիշները, որն առաջացնում է նոր կորոնավիրուս (COVID-19), մեծահասակների մոտ արդեն հայտնի են, սակայն դեռևս ոչ ոք չի արձանագրել, թե ինչպես է վարակը զարգանում երեխաների մոտ: Մեծահասակների համեմատ հիվանդությունը նրանց մոտ ընթանում է ավելի մեղմ ձևով: Մասնավորապես, նրանց թոքերի լուսանկարներում չկան թոքաբորբին բնորոշ տարբերակիչ առանձնահատկություններ, ինչի պատճառով վարակն ավելի դժվար է ախտորոշել»,- գրում են մասնագետները:
Այս եզրահանգմանն են եկել Գուանչժոուի բժշկական համալսարանի և Մակաո գիտա-տեխնիկական համալսարանի չինացի գիտնականները, ուսումնասիրելով երեխաների մոտ կորոնավիրուսային վարակի զարգացման 10 դեպք, ում հարազատներն ու ծանոթները վարակվել էին SARS-CoV-2 վարակով փետրվարի առաջին կեսին:
Նրանց հետևելը բժիշկներին օգնել է իմանալ այն մասին, որ երեխաների ու մեծահասակների մոտ հիվանդության ընթացքի բնույթի մեջ կան էական տարբերություններ: Բոլոր դեպքերում, ինչպես նշում են գիտնականները, երեխաների մոտ ջերմությունն ավելի բարձր է եղել, միաժամանակ, 39°C-ից ոչ բարձր: Նրանցից կեսը փռշտում էր, և միայն մեկ երեխա հիվանդությունը տարել է առանց ինքնազգացողության համար նկատելի հետևանքների:
Մեծահասակներից գլխավոր տարբերությունը կայանում էր նրանում, որ վարակը երեխաների թոքերի ներսում գրեթե չէր դրսևորվում: Միայն 5 պացիենտների մոտ բժիշկները թոքային հյուսվածքների վիճակի աննշան փոփոխություններ էին նկատել, և դեպքերից ոչ մեկի ժամանակ թոքաբորբի զարգացման հետքեր չեն արձանագրվել: Ինչպես նշում են հետազոտողները, եթե նրանք չստուգեին այդ երեխաներին հիվանդների հետ ունեցած կոնտակտների պատճառով, ապա երբեք չէին կասկածի, որ մանկահասակ պացիենտները վարակված են SARS-CoV-2 վարակով:
Մի կողմից, դա հաստատում է, որ վարակը երեխաների համար պակաս վտանգավոր է, քան մեծահասակների և տարեց մարդկանց համար: Մյուս կողմից, վարակը ներկա էր երեխաների կղանքի մեջ երկար ժամանակ: Դա վկայում է այն մասին, որ կան դեռևս վարակի տարածման չուսումնասիրված և ոչ ակնհայտ միջոցներ, որոնք կապ ունեն երեխաների հետ, այդ թվում` չլվացված ձեռքերն ու զուգարանները: Այս ամենն անհրաժեշտ է հաշվի առնել կարանտինային միջոցառումներ մշակելիս և հիվանդանոցներից պացիենտներին դուրս գրելիս, եզրահանգում են գիտանականները:-0-
