Մեկնարկել է Apple AirPods անլար ականջակալների վաճառքը

ԵՐԵՎԱՆ, 17 դեկտեմբերի. /Նովոստի-Արմենիա/. Apple ընկերությունը բացել է AirPods պատվիրելու հասանելիությունը ծանուցումից երեք ամիս անց: Ականջակալների առաքումը նախատեսվում է 2016 թ.-ի դեկտեմբերի վերջին, հաղորդում է hi-tech.mail.ru-ն:

Apple AirPods-ը երկու անլար ականջակալներ են, որոնք համաժամանակեցվում են իրար հետ: Ձայնն անլար ճանապարհով հաղորդվում է միաժամանակ երկու բարձրախոսի: Աուդիոազդակի մշակման համար օգտագործվում է Apple W1 պրոցեսորը:

Ականջակալները ներկայացրել են սեպտեմբերին` iPhone 7-ի և Watch Series 2-ի հետ միասին: Վաճառքի սկիզբն ակնկալվում էր հոկտեմբերին, սակայն հետագայում այն անորոշ ժամանակով հետաձգվեց: The Wall Street Journal-ի տվյալներով, Apple-ը բախվել էր երկու ալիքների միջև ձայնի համաժամանակեցման խնդրի հետ: -0-