Հայ-իրանական գործարար համաժողով կանցկացվի հոկտեմբերի 15-ին Երևանում

Հայ-իրանական գործարար համաժողով կանցկացվի հոկտեմբերի 15-ին Երևանում, «Նովոստի-Արմենիա» գործակալությանը հայտնեցին Զարգացման հայկական գործակալության (ԶՀԳ) հասարակայնության հետ կապերի բաժնից։  

«Միջոցառման նպատակը Հայ-իրանական առևտրատնտեսական հարաբերությունների ընդլայնման և զարգացման, ինչպես նաև ՀՀ ներդրումային հնարավորությունների քննարկումն է»,- ասվում է հաղորդագրության մեջ։

Գործարար համաժողովին մասնակցելու համար Իրանից ժամանել է  արդյունաբերական տարբեր ոլորտներ ներկայացնող 22 իրանական ընկերություն, որոնք գործարար հանդիպումներ կունենան   հայկական ընկերությունների,  էներգետիկայի, գյուղատնտեսության, տրանսպորտի և հաղորդակցության, քաղաքաշինության, էկոնոմիկայի նախարարությունների, ՀՀ Առևտրաարդյունաբերական պալատի, Զարգացման հայկական գործակալության ներկայացուցիչների հետ: -0-