Առատ ձյունը չի խանգարել Հայաստանի ճանապարհներին ավտոտրանսպորտի տեղաշարժին
Երեքշաբթի օրվանից Հայաստանում չդադարող առատ ձյունը դժվարություններ չի առաջացրել հանրապետության տարածքի ճանապարհներին ավտոտրանսպորտի տեղաշարժի համար, չորեքշաբթի «Նովոստի-Արմենիա» գործակալությանը տեղեկացրեցին «Հայավտոճանապարհներ» ՓԲԸ մամուլի ծառայությունից։
«Այս պահի դրությամբ բոլոր միջպետական մայրուղիները և հանրապետական նշանակության ավտոճանապարհները բաց են, և տրանսպորտային հոսքը շարժվում է առանց խնդիրների», - տեղեկացրեց գործակալության զրուցակիցը։
«Հայավտոճանապարհներ» ՓԲԸ-ից տեղեկացրեցին, որ հանրապետությունում տեղումներն այնքան առատ չեն, որպեսզի տրանսպորտի տեղաշարժման դժվարություններ առաջացնեն։
Հայհիդրոմետ ծառայության տվյալներով, մինչև շաբաթվա վերջը հանրապետությունում կանխատեսում են ձյան տեղումներ՝ պայմանավորված հարավ-արևելյան միջերկրածովյան օդային հոսանքով։-0-
