ԵՐԵՎԱՆ, 8 ապրիլի. /Նովոստի-Արմենիա/. Հայաստանի նախագահ Սերժ Սարգսյանը հայտարարել է, որ հայկական կողմը միշտ բացահայտ արտահայտվել է Ռուսաստանի կողմից Ադրբեջանին զենքի վաճառքին։
«Ռուսաստանը մեր ռազմավարական գործընկերն է, մենք Ռուսաստանի հետ ռազմավարական պայմանագիր ունենք: Միևնույն ժամանակ մենք միշտ բացահայտ ասել ենք, որ դեմք ենք Ռուսաստանի կողմից Ադրբեջանին զենք վաճառելուն», - ասաց Սարգսյանը Deutsche Welle-ին տված հարցազրույցում:
Նա ավելացրել է, որ երբեք չի ասել, թե Ռուսաստանը կամ ցանկացած այլ երկիր Հայաստանի հովանավորն է, եղել է կամ կարող է լինել նրա հովանավորը։ «Ռուսաստանը երբեք Հայաստանի կյանքում այնպիսի դեր չի ունեցել, ինչպիսին Թուրքիան` Ադրբեջանի:»,– ասել է Սարգսյանը։
Նախագահը նկատել է նաև, որ Հայաստանի կողմից ԼՂՀ–ն չճանաչելը փոխզիջում է Երևանի կողմից: «Եթե Հայաստանն այսօր ճանաչեր Լեռնային Ղարաբաղի անկախությունը, դա կնշանակեր, որ մենք հրաժարվում ենք այդ հակամարտության շուրջ տարվող բանակցություններին մասնակցելուց: Եթե մենք ճանաչենք Լեռնային Ղարաբաղի անկախությունը, ապա ո՞ր հարցի շուրջ պետք բանակցություններ տարվեն: Վերջինս նաև պատասխանն է ձեր նախորդ հարցին այն մասին, թե ինչ քայլեր ենք ձեռնարկում հակամարտության սրման կանխարգելման հանմար: Մենք չենք ճանաչում Լեռնային Ղարաբաղը` իրավիճակը էլ ավելի չբարդացնելու նպատակով:
Ապրիլի 1-ի լույս 2-ի գիշերը ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները։
Օպերատիվ տվյալներով`մարտական գործողությունների ընթացքում ոչնչացվել է 2 ուղղաթիռ, շուրջ 30 տանկ, «Գրադ» տիպի համազարկային կայանք, ծանր հրանետային համակարգ (ТОС), ինժեներական տեխնիկա, 7 անօդաչու սարք։ Ադրբեջանական զինուժը տվել է 300-ից ավելի մարդկային կորուստ:
Հայկական կողմը կորցրել է 14 տանկ, ունի 44 զոհ, մոտ 122–ը վիրավոր է, անհետ կորած է համարվում 21–ը։ Զոհվել են նաև քաղաքացիական անձինք, այդ թվում` մեկ երեխա և յոթ կամավոր։ Մարտական գործողությունները դադարեցվել են ապրիլի 5–ին մոտավորապես ժամը 12։00–ին, երբ ուժի մեջ մտան համապատասխան պայմանավորվածությունները։ -0–
Ծանոթացեք լուրերին առաջինն ու քննարկեք դրանք մեր Telegram-յան ալիքում