ԼՂՀ նախագահի մոտ խորհրդակցության ժամանակ քննարկվել է հանրապետության դատական փորձաքննությունների լաբորատորիայի աշխատանքը
29.04.2008,
11:34
ԼՂՀ նախագահի մոտ խորհրդակցության ժամանակ քննարկվել է հանրապետության դատական փորձաքննությունների լաբորատորիայի աշխատանքը
ԼՂՀ դատական փորձաքննությունների լաբորատորիայի աշխատանքներին էր նվիրված նախօրեին Ստեփանակերտում ԼՂՀ նախագահի մոտ տեղի ունեցած խորհրդակցությունը, «Նովոստի-Արմենիա» գործակալությանը տեղեկացրեցին ԼՂՀ նախագահի աշխատակազմի տեղեկատվության գլխավոր վարչությունից։
Խորհրդակցության ընթացքում Բակո Սահակյանն ընդգծել է, որ հնարավորինս կարճ ժամկետում շոշափելիորեն կբարելավվեն լաբորատորիայի տեխնիկական հագեցվածությունը և աշխատակիցների աշխատանքային ու սոցիալական պայմանները:
ԼՂՀ նախագահը կարևորել է հիմնարկի կողմից իրականացվող աշխատանքը և նշել, որ դատական փորձաքննությունների լաբորատորիան հետագայում պետք է դառնա փորձաքննությունների կենտրոն:
Խորհրդակցությանը ներկա էին ԼՂՀ գլխավոր դատախազ Արշավիր Ղարամյանը և արդարադատության նախարար Նարինե Նարիմանյանը:-0-
Պատճենել հղումը
