ԼՂՀ նախագահի մոտ քննարկվել են Արցախում ականազերծման գործընթացին վերաբերող հարցեր

ԵՐԵՎԱՆ, 2  նոյեմբերի. /Նովոստի–Արմենիա/. Արցախի Հանրապետության նախագահ Բակո Սահակյանը նոյեմբերի 2-ին ընդունել է «Landmine Free Artsakh Campaign» նախաձեռնության ղեկավար Օջենի Փանոսյանին և «HALO Trust» կազմապերպության Հայաստանի ու Արցախի ծրագրերի ղեկավար Յուրի Շահրամանյանին, հայտնեցի ԼՂՀ նախագահի մամուլի գրասենյակից:

Հանդիպմանը քննարկվել են Արցախում ականազերծման գործընթացին վերաբերող հարցեր:

«Նախագահ Սահակյանն ընդգծել է, որ «HALO Trust» կազմակերպությունը կարևորագույն առաքելություն է իրականացնում մեր հանրապետությունում՝ հավելելով, որ «Landmine Free Artsakh Campaign»  նախաձեռնության գործուն մասնակցությունն ականազերծման աշխատանքներում պահանջված է ու անհրաժեշտ», -ասված է հաղորդագրությունում:-0-