36 տարեկանում մահացել է հոլիվուդյան հայտնի դերասանուհի Հեյդեն Պանետիերին

ԵՐԵՎԱՆ, 17 օգոստոսի․/Նովոստի-Արմենիա/․ 36 տարեկանում մահացել է ամերիկացի դերասանուհի Հեյդեն Պանետիերին, որը հայտնի է «Նեշվիլ» և «Հերոսներ» հեռուստասերիալներում իր դերերով, հայտնում է Reuters-ը։

Մահվան լուրը հայտնել է նրա ընտանիքը կիրակի օրը հրապարակված հայտարարության մեջ, որը փոխանցել էր նրա հանրային կապերի պատասխանատուն։ Մահվան պատճառը չի նշվում, սակայն նա NBC News հեռուստաընկերությանը հայտնել է, որ «Գրեմմի» և «Ոսկե գլոբուս» մրցանակների երկու անվանակարգերի արժանացած դերասանուհու մահը հետաքննվում է։

Պանետիերին լայն ճանաչում ձեռք բերեց՝ հնչյունավորելով Դոթին Pixar-ի 1998 թվականի «Ֆլիկի արկածները» (A Bug's Life) անիմացիոն ֆիլմում, ինչպես նաև մարմնավորելով Քլեր Բենեթին NBC-ի «Հերոսներ» սերիալում։ Նա նաև նկարահանվել է 2000 թվականի «Հիշելով տիտաններին» ֆիլմում և «Նեշվիլ» հեռուստադրամայում, որի համար արժանացել է «Ոսկե գլոբուսի» երկու անվանակարգերում։

IMDb կայքի տվյալներով՝ դերասանուհին վերջին անգամ նկարահանվել է հունվարին թողարկված «Լուսնոտը» (Sleepwalker) հոգեբանական թրիլլերում։

Դերասանուհին ունի մեկ դուստր՝ Կայան, որն ապրում է նրա նախկին փեսացուի՝ ուկրաինացի բռնցքամարտիկ Վլադիմիր Կլիչկոյի հետ Ուկրաինայում։

Կարդացեք նաև․ Նորանշանակ փոխնախարարը՝ սկանդալի կենտրոնում․ անգլերեն բառերի օգտագործումը մեծ քննարկումների առիթ է դարձել (ՎԻԴԵՈ)