Մեքենան վրաերթի է ենթարկել 71-ամյա հետիոտնի․ վերջինը տեղում մահացել է
31.08.2026,
19:35
Վարորդը փախուստի չի դիմել, ահազանգել է շտապ օգնություն, և բժիշկները արձանագրել են վրաերթի ենթարկվածի մահը
ԵՐԵՎԱՆ, 31 օգոստոսի․/Նովոստի-Արմենիա/. Երեկ՝ օգոստոսի 30-ին, մահվան ելքով վրաերթ է տեղի ունեցել Արմավիրի մարզում։
Shamshyan.com-ի հաղորդմամբ, ժամը 23։30-ի սահմաններում Թաիրով համայնքի Երևանյան փողոցում Երևանի բնակիչ, 32-ամյա Դավիթ Գ.-ն իր վարած «Dodge» մակնիշի ավտոմեքենայով վրաերթի է ենթարկել Արմավիրի մարզի բնակիչ, 71-ամյա Անահիտ Մ.-ին։
Ինչպես հայտնում է կայքը, վարորդը փախուստի չի դիմել, ահազանգել է շտապ օգնություն, և բժիշկները արձանագրել են վրաերթի ենթարկվածի մահը։
Դեպքի փաստով Վաղարշապատի քննչական բաժնում նախաձեռնվել է քրեական վարույթ, որտեղ էլ պարզվում է ավտոմեքենայի սեփականատիրոջ ինքնությունը։
Պատճենել հղումը
