Երևանում հարևանների միջև վեճ է եղել, գործի է դրվել գազային ատրճանակ
31.08.2026,
16:00
Երևանում հարևանների վեճը վերածվել է խուլիգանության, կան ձերբակալվածներ
ԵՐԵՎԱՆ, 31 օգոստոսի․/Նովոստի–Արմենիա/․ Երևանում ոստիկանները կանխել են հետագա զարգացումներն ու խուլիգանության կասկածանքով ձերբակալել վիճաբանության մասնակիցներին։
Ինչպես հայտնում են ՆԳՆ–ից, օգոստոսի 30-ին՝ ժամը 22.40-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևանի Ադանայի փողոցում վիճաբանություն է։
Նշված վայր մեկնած ՆԳՆ ոստիկանության օպերատիվ խմբերը կանխել են հետագա զարգացումները և վիճաբանության մասնակիցներին խուլիգանություն կատարելու կասկածանքով ձերբակալել:
Ըստ նախնական տվյալների՝ վիճաբանություն է եղել հարևանների միջև, ինչի ընթացքում գործի է դրվել գազային ատրճանակ:
Տուժածներ կամ մարմնական վնասվածք ստացած անձինք չկան: Դեպքի բոլոր հանգամանքները պարզվում են։
Պատճենել հղումը
