ՀՀ նախագահը ցավակցություն է հղել Դոնի Ռոստովում օդանավի կործանման կապակցությամբ

ԵՐԵՎԱՆ, 19 մարտի. /Նովոստի-Արմենիա/. Հայաստանի նախագահ Սերժ Սարգսյանը շաբաթ օրը ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին Դոնի Ռոստովի օդանավակայանում «Boeing 737-800» ինքնաթիռի կործանման կապակցությամբ, հայտնում է հայկական պետության ղեկավարի մամուլի ծառայությունը:

Հայաստանի նախագահը խնդրել է սրտակցության և աջակցության խոսքեր փոխանցել զոհվածների հարազատներին և մտերիմներին:

Ճակատագրի հեգնանքը. կորած անձնագիրը փրկել է տղամարդու կյանքը>>

Դուբայից թռչող FlyDubai ավիաընկերության Boeing 738 ինքնաթիռը նախօրեի գիշերը կործանվել է Դոնի Ռոստովի օդանավակայանում: ՌԴ ԱԻՆ-ի հաղորդմամբ, վթարի հետևանքով զոհվել են ինքնաթիռում գտնվող բոլոր 55 ուղևորները (18 տղամարդ, 33 կին և 4 երեխա) և անձնակազմի 7 անդամներ` ընդամենը 62 մարդ:

Քննիչները կործանման երեք վարկած են դիտարկում` եղանակային վատ պայմաններ, անձնակազմի սխալը և տեխնիկական անսարքությունը:-0-