Երևանում 16–ամյա պատանին դանակահարել է հասակակից ընկերոջը․ վերջինս հոսպիտալացվել է
23.04.2025,
13:21
Երևանում 16–ամյա պատանին դանակահարել է ընկերոջը
ԵՐԵՎԱՆ, 23 ապրիլի․/Նովոստի–Արմենիա/․ Ապրիլի 21-ին Համայնքային ոստիկանության Ավանի բաժին հիվանդանոցից հաղորդում է ստացվել, որ կտրած-պատռված վնասվածքով բուժօգնության է դիմել 16-ամյա պատանի, հաղորդում է ՀՀ ոստիկանությունը։
Ձեռնարկված միջոցառումների արդյունքում պարզվել է, որ Երևանի Ծարավ աղբյուրի փողոցում նրան դանակով հարվածել է հասակակից ընկերը:
Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ:
16-ամյա պատանին ձերբակալվել է և կազմված փաստաթղթերի հետ միասին ներկայացվել նախաքննական մարմին:
Պատճենել հղումը
