Մյանմայում ուղևորատար օդանավ է կործանվել (ՖՈՏՈ)
ԵՐԵՎԱՆ, 8 մայիսի./Նովոստի–Արմենիա/. Մյանմայում ավիավթարի է ենթարկվել Biman բանգլադեշյան ավիաընկերությանը պատկանող օդանավը, հաղորդում է Ինտերֆաքսը` հղում անելով The Myanmar Times հրատարակությանը։
Ավիավթարը տեղի է ունեցել Յանգոնի միջազգային օդանավակայանում։
Դատելով սոցցանցերում հրապարակված լուսանկարներից` Bombardier Dash 8 Q400 տիպի ինքնաթիռը դուրս է եկել թռիչքուղուց, օդանավի ֆյուզելյաժը վնասվել է։ Տեղեկություն չկա վթարը տեղի է ունեցել թռիչքի, թե վայրէջքի ժամանակ։
Դեռ տեղեկություն չկա նաև օդանավում գտնվող ուղևորների և անձնակազմի անդամների մասին։ Նախնական տվյալներով, ավիավթարի հետևանքով, բարեբախտաբար, զոհեր չկան։
Յանգոնի օդանավակայանը ժամանակավորապես փակ է։ Միջադեպի վայրում աշխատում են փրկարարական ծառայությունները։–0–
#BreakingNews
— Aung Bo Bo (@HaB138) May 8, 2019
A Biman plane crashed on the runway in
Yangon International Airport.@BimanAirlines pic.twitter.com/F81jx3BZRg
