Կարագի գինը Հայաստանում աճում է ռեկորդային տեմպերով

ԵՐԵՎԱՆ, 24 նոյեմբերի. /Նովոստի–Արմենիա/. Հայաստանում վաճառվող կարագը թանկացման ռեկորդային աճ է գրանցում:

Ինչպես հայտնում է «Հայկական ժամանակը», պարզվել է, որ մայրաքաղաքի փոքր կենտրոնի սուպերմարկետներում 1 կի¬լոգրամ կարագը թանկացել է շուրջ 550 դրամով:


«Եթե հոկտեմբերի 2-ի դրությամբ արձանագրվել էր, որ «Նորզելանդական» կարագի մեկ կիլոգրամն ար¬ժեր 3940 դրամ, իսկ «Անքոր» տեսակի կարագը՝ 3980 դրամ, ապա երեկ «Նորզելանդական» կարագը վաճառվում էր 4490 դրամով, իսկ «Անքոր»-ը՝ 4450 դրամով: Այսինքն՝ կարագի գինը թանկացել է շուրջ 14 տոկոսով»,-գրում է թերթը:

Իսկ ըստ ԱՎԾ տվյալների, նախորդ տարի նույն ժամանակահատվածում մեկ կիլոգրամ կարագը Երևանում արժեցել է 3860 դրամ։ -0-