Կալանավորվել է ՀՀ պետական գույքի կոմիտեի նախկին ղեկավար Արման Սահակյանը
ԵՐԵՎԱՆ, 5 հունիսի․/Նովոստի–Արմենիա/․ Կալանավորվել է ՀՀ Պետական գույքի կառավարման վարչության նախկին պետ Արման Սահակյանը, «Նովոստի-Արմենիա» գործակալությանը հայտնեց ՀՀ Հակակոռուպցիոն կոմիտեի մամուլի քարտուղար Մարինա Օհանջանյանը:
Օհանջանյանը նշեց, որ Սահակյանը մեղադրվում է կաշառք տալու կամ ստանալու մեջ։
Քրեական գործի մասին
2025 թվականի հունվարին Պետական գույքի կառավարման կոմիտեի նախկին նախագահ Արման Սահակյանը ձերբակալվել էր, իսկ հետո ազատ արձակվել վարչական հսկողության ներքո:
Ինչպես հայտնում էր ՔԿ-ն, Սահակյանը և ևս 12 անձ Երևանի երեք ուսումնական հաստատությունների զբաղեցրած տարածքների վերաճշտման պատրվակով, ապօրինի կերպով առանձնացրել են հողատարածքներ, որոնց հանցավոր ծագումը, իրավունքները և պատկանելիությունը թաքցնելու նպատակով նշված անշարժ գույքերը ձևական աճուրդների միջոցով օտարել են իրենց հետ փոխկապակցված անձանց։
Գործընթացի շրջանակում ձերբակալվել էր ևս յոթ անձ, որոնց նկատմամբ դատարանը որպես խափանման միջոց էր ընտրել տարբեր տեսակի միջոցներ: Սահակյանը և մյուս անձինք մեղադրվում են պաշտոնեական լիազորությունները չարաշահելու և խոշոր չափերով փողերի լվացման մեջ:
