Հինգշաբթի` մայիսի 26–ի առավել ուշագրավ նորությունները

08:00

27 Մայիսի 2016

ԵՐԵՎԱՆ, 27 մայիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է հինգշաբթի` մայիսի 26–ի առավել ուշագրավ նորությունների իր տարբերակը։

Մայիսի 26-ի լույս գիշերը ղարաբաղա-ադրբեջանական շփման գծում հակառակորդը կրկին խախտել է հրադադարի մասին պայմանավորվածությունը։

Բաշինջաղյան փողոցի թիվ 184 շենքի մոտակայքում այրվել է անձը չպարզված քաղաքացի: Մինչ հրշեջ-փրկարարների կանչի վայր հասնելը՝ հրդեհը մարվել է տեղի ուժերով. քաղաքացին տարբեր աստիճանի այրվածքներով հոսպիտալացվել է Ճառագայթային բժշկության և այրվածքների հանրապետական գիտական կենտրոն:Ավելի ուշ հայտնի է դարձել, որ այրված տղամարդու վնասվածքները կյանքի հետ անհամատեղելի են։

ՀՀ քննչական կոմիտեի զինվորական քննական գլխավոր վարչության իններորդ կայազորային քննչական բաժնում հարուցվել է քրեական գործ՝ ժամկետային զինծառայող, սերժանտ Հակոբ Գևորգյանի սպանության դեպքի առթիվ, հաղորդում է ՀՀ ՔԿ մամուլի ծառայությունը։ Կասկածյալը ձերբակալվել է։
Հայաստանի կառավարությունը հավանություն չի տվել զինծառայողների «սերմնահեղուկի բանկ» ստեղծելու նախաձեռնությանը։ Ավելի վաղ Հայաստանի Ազգային ժողովի պատգամավոր Թևան Պողոսյանը հանդես էր եկել օրենսդրական նախաձեռնությամբ, որը նախատեսում է 18 տարին բոլորած և պարտադիր զինվորական ծառայության զորակոչվող անձանց «սերմնահեղուկի բանկի» ստեղծում։
Ռուսաստանը ցանկանում է լավ հարաբերություններ ունենալ և՛ Հայաստանի, և՛ Ադրբեջանի հետ, սակայն, հաշվի առնելով Թուրքիայի հետ լարված հարաբերությունները և ՀԱՊԿ–ին Հայաստանի անդամակցությունը, Մոսկվան հակված է խորացնել հարաբերությունները հենց հայկական կողմի հետ, 7or.am–ին տված հարցազրույցում ասել է Ղարաբաղի պաշտպանության բանակի նախկին հրամանատար գեներալ–լեյտենանտ Սամվել Բաբայանը։
Դորտմունդի «Բորուսիայի» և Հայաստանի ֆուտբոլի հավաքականի կիսապաշտպան Հենրիխ Մխիթարյանը մասնակցել է Արցախի համար Գերմանիայում կազմակերպված դրամահավաքին։
Օրեր առաջ Հայաստանի բազմաթիվ բնակավայրերին վնաս հասցրած փոթորիկից ավելի հզորն է սպասվում Հայաստանում։ Հինգշաբթի ավելի վաղ ԱԻՆ ճգնաժամային կառավարման ազգային կենտրոնի ղեկավար Հովհաննես Խանգելդյանը հայտնել էր, որ երկուշաբթի Հայաստանի մի շարք բնակավայրերում մոլեգնած ուժեղ քամուց հիմնականում վնասվել են մայրաքաղաքի շինությունները և ենթակառուցվածքները։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #ուշագրավ նորություններ #ամփոփում

Новости СМИ2

Partners News

Թեմատիկ նյութեր