Չորեքշաբթի` մայիսի 11–ի առավել ուշագրավ նորությունները

Թուրքական խորհրդարանի հայազգի պատգամավոր Գարո Փայլանին սատարելու նպատակով երթ է անցկացվել Երևանի կենտրոնում։ Ցուցարարներն ուղերձ են փոխանցել ՄԱԿ–ի երևանյան գրասենյակի աշխատակցին։ 

Ազատ ոճի ըմբիշ, 55 կգ քաշային Մխիթար Գրիգորյանը ոսկե մեդալ է նվաճել Դաղստանի Խասավյուրտ քաղաքում անցկացված միջազգային մրցաշարում։ 

Եվրոպայի հեռարձակման միությունը պատժամիջոցներ կսահմանի Հայաստանի հանրային հեռուստաընկերության նկատմամբ հայ երգչւհի Իվետա Մուկուչյանի վարքի պատճառով, ով նախօրեին «Եվրատեսիլ 2016» երգի միջազգային մրցույթում ֆան–գոտում ծածանել է Լեռնային Ղարաբաղի դրոշը։ -0-