Չորեքշաբթի` մայիսի 11–ի առավել ուշագրավ նորությունները
08:00
12 Մայիսի 2016
ԵՐԵՎԱՆ, 12 մայիսի. /Նովոստի-Արմենիա/. «Նովոստի–Արմենիա» գործակալությունը ներկայացնում է չորեքշաբթի` մայիսի 11–ի առավել ուշագրավ նորությունների իր տարբերակը։
«Եվրատեսիլ 2016» երգի միջազգային մրցույթում Հայաստանը ներկայացնող Իվետա Մուկուչյանը հայտարարել է, որ ծածանել է Արցախի դրոշը, քանի որ խաղաղություն է ուզում։
Արցախի ճանաչման անհրաժեշտություն դեռևս չկա, ասել է ՀՀ վարչապետ Հովիկ Աբրահամյանը։ «Ինչ վերաբերում է Լեռնային Ղարաբաղի ճանաչմանը, ապա ՀՀ նախագահ Սերժ Սարգսյանը հստակ հրապարակել է իր դիրքորոշումն ու եթե հետևեն նոր ոտնձգություններ և պատերազմ, ապա մենք ստիպված կլինենք գնալ այդ քայլին։ Դեռ նման անհրաժեշտություն չկա», – չորեքշաբթի ասաց Աբրահամյանը լրագրողներին:
Թուրքական խորհրդարանի հայազգի պատգամավոր Գարո Փայլանին սատարելու նպատակով երթ է անցկացվել Երևանի կենտրոնում։ Ցուցարարներն ուղերձ են փոխանցել ՄԱԿ–ի երևանյան գրասենյակի աշխատակցին։
Եվրոպայի հեռարձակման միությունը պատժամիջոցներ կսահմանի Հայաստանի հանրային հեռուստաընկերության նկատմամբ հայ երգչւհի Իվետա Մուկուչյանի վարքի պատճառով, ով նախօրեին «Եվրատեսիլ 2016» երգի միջազգային մրցույթում ֆան–գոտում ծածանել է Լեռնային Ղարաբաղի դրոշը։ -0-