ԱԺ-ն ընդունեց 3 նախարարությունների անվանափոխության մասին նախագիծը

ԵՐԵՎԱՆ, 27 օգոստոսի․/Նովոստի-Արմենիա/․ ՀՀ ԱԺ-ն երկրորդ ընթերցմամբ և ամբողջությամբ ընդունեց «Կառավարության կառուցվածքի և գործունեության մասին» օրենքում փոփոխություններ կատարելու մասին և կից ներկայացված օրենքների նախագծերի փաթեթը, որի արդյունքում կանվանափոխվեն 3 նախարարությունները։

Քվեարկության արդյունքում նախագիծը ստացավ 64 կողմ, 26 դեմ, 0 ձեռնպահ ձայներ:

Նշենք, որ ՀՀ կառավարությունը խորհրդարան է ներկայացրել «Կառավարության կառուցվածքի և գործունեության մասին» օրենքի նախագիծ, որով առաջարկում է փոփոխել երեք նախարարության անուն։

Ըստ նախագծի՝ առաջարկվել է Բարձր տեխնոլոգիական արդյունաբերության նախարարությունն վերանվանել Բարձր տեխնոլոգիական արդյունաբերության և արհեստական բանականության նախարարություն, Աշխատանքի և սոցիալական հարցերի նախարարություննը՝ Աշխատանքի և բարեկեցության նախարարություն, իսկ Արտաքին գործերի նախարարությունը՝ Արտաքին գործերի և միջազգային առևտրի նախարարություն:

ԱԺ հերթական նստաշրջանը կմեկնարկի սեպտեմբերի 14-ին։

Կարդացեք նաև. Ինչու են փոխվում Հայաստանում 3 նախարարությունների անունները