Հանգստյան օրերի` հոկտեմբերի 15–16–ի առավել ուշագրավ նորությունները

ԵՐԵՎԱՆ, 17 հոկտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է հանգստյան օրերի` հոկտեմբերի 15–16–ի առավել ուշագրավ նորությունների սեփական տարբերակը։

• Շաբաթ առավոտյան զինծառայող է զոհվել Ղարաբաղի հակամարտ զորքերի շփման գծի հարավային ուղղությամբ տեղակայված զորամասերից մեկի պահպանության տեղամասում։ Դեպքի առթիվ հարուցվել է քրեական գործ։

• Կաշառք ստանալու պահին ձերբակալվել է ՀՀ ՊԵԿ Մաշտոցի հարկային տեսչության հարկային հսկողության բաժնի ավագ տեսուչը։

• Հոկտեմբերի 14–ին Հյուսիսային Օսեթիայում վթարի ենթարկված Մոսկվա–Երևան ավտոբուսն աշխատում էր առանց ՌԴ տրանսպորտի նախարարության թույլտվության:  Միաժամանակ հայտնի է դարձել, որ այս վթարից հետո կսկսեն գործել Մոսկվա-Երևան ավտոբուսային պաշտոնական երթուղիներ։ Համացանցում հրապարակվել է բացառիկ տեսանյութ, որը նկարահանվել է Մոսկվա–Երևան ավտոբուսի վթարից րոպեներ անց։-0-