Գրիպով և ՍՇՎ–ով հոսպիտալացված հիվանդների թիվը Հայաստանում մոտենում է 600–ի
08.01.2016,
17:34
Հունվարի 8-ի դրությամբ գրիպով և սուր շնչառական վարակներով հանրապետությունում հիվանդանոց է հոսպիտալացվել 568 հիվանդ:
ԵՐԵՎԱՆ, 8 հունվարի. /Նովոստի–Արմենիա/. Հունվարի 8-ի դրությամբ գրիպով և սուր շնչառական վարակներով հանրապետությունում հիվանդանոց է հոսպիտալացվել 568 հիվանդ, հայտնում է ՀՀ առողջապահության նախարարարության մամուլի ծառայությունը։
568 հիվանդներից 461-ը 0-18 տարեկան են, 150-ի մոտ ախտորոշվել է թոքաբորբ, նշվել է ՀՀ առողջապահության նախարարությունում ստեղծված արագ և օպերատիվ արձագանքման աշխատանքային խմբի այսօր կայացած խորհրդակցության ժամանակ, որը գլխավորել է ՀՀ առողջապահության նախարար Արմեն Մուրադյանը։
Հայաստանում «խոզի գրիպի» համաճարակ չկա. փորձագետ>>
Արմեն Մուրադյանը մանրամասն հետաքրքրվել է հիվանդանոցներում բուժվողների, հատկապես` թոքոբորբով հիվանդների վիճակով, իրականացվող բուժումների ընթացքով, ինչպես նաև զորամասերում առկա իրավիճակով և զինծառայողների առողջությամբ:
Զեկուցվել է, որ զորամասերում բարվոք վիճակ է։ Հանձնարարվեց շարունակել սերտ համագործակցությունը ՀՀ ԶՈՒ ռազմաբժշկական ծառայության և հանրապետական զինկոմիսարիատի հետ` տարբեր վարակիչ հիվանդություններով կամ ջերմող զինակոչիկների մուտքը զորամաս կանխելու նպատակով։
Նախարարին տեղեկացրել են, որ այսօրվանից Երևանի պոլիկլինիկաներն անցել են բնականոն աշխատանքի։ Շաբաթ և կիրակի օրերին առաջնային օղակը կաշխատի ժամը 10-17-ը։ Արմեն Մուրադյանը հանձնարարել է մարզերի հետ համագործակցության արդյունքում ապահովել, որպեսզի առաջիկա հանգստյան օրերին աշխատեն նաև մարզային պոլիկլինիկաները։
ՀՀ վարչապետի հանձնարարությամբ որպես կանխարգելիչ գործողություն նախօրեին ՀՀ առողջապահության նախարարը հանդես է եկել դպրոցների և մանկական նախադպրոցական հաստատությունների ձմեռային արձակուրդները մինչև հունվարի 18-ը երկարաձգելու առաջարկով` համաճարակաբանական իրավիճակի բարդություններից խուսափելու և վարակների հետագա տարածվածությունը կանխելու նպատակով:–0–
Պատճենել հղումը
