15–ամյա ծանրամարտիկ Գրիգոր Աղավելյանը ոսկե մեդալ է նվաճել Մ15 տարեկանների Եվրոպայի առաջնությունում

ԵՐԵՎԱՆ, 21 օգոստոսի․/Նովոստի–Արմենիա/․ Հայաստանն առաջին մեդալն է նվաճում ծանրամարտի պատանիների ու Մ15 տարեկանների Եվրոպայի առաջնությունում։

Կոսովոյում ընթացող պատանիների ու Մ15 տարեկանների Եվրոպայի առաջնության մրցումային հերթական օրը մրցապայքարի մեջ են մտել մինչև 15 տարեկան տղաները, հայտնում է Ծանրամարտի ֆեդերացիան։

Հայաստանի ընտրանու կազմում Գրիգոր Աղավելյանը պոկում վարժությունում հաջողությամբ բարձրացրել է 83 կգ ու 85 կգ: Այս վարժությունում նա 5-րդն է: Իսկ հրում վարժությունում նա գլխավերևում պահել է 110 կգ: Այս ձևում Աղավելյանը դարձել է ոսկե մեդալակիր: 

Երկամարտի 198 կգ արդյունքով` Գրիգոր Աղավելյանը 4-րդն է:

Կարդացեք նաև․ Հայաստանը կընդունի հեծանվորդների Ճապոնիայից, Իտալիայից, Մեծ Բրիտանիայից և այլ երկրներից Tour of Armenia-ի շրջանակում