ԵՐԵՎԱՆ, 16 ապրիլի․ /ԱՌԿԱ/․ Ucom ընկերության Տնօրենների խորհուրդը հեռահաղորդակցության օպերատորի գլխավոր տնօրեն է նշանակել Արա Խաչատրյանին։ Այս մասին ասվում է
ԱՌԿԱ-Telecom հեռահաղորդակցական պորտալին Galaxy Group-ից փոխանցված հաղորդագրության մեջ։
Ապրիլի 9-ին Հայկ Եսայանը և Ucom- ի ողջ ղեկավարությունը որոշեցին դադարեցնել իրենց աշխատանքային պարտականությունները, որից հետո ընկերության ավելի քան 800 աշխատակից հրաժարականի դիմում էր ներկայացրել: Ընկերության մամուլի ծառայությունը հայտարարության մեջ նշել է, որ իրավիճակը առաջացել է բաժնետերերի միջև տարաձայնությունների պատճառով:
«Ս.թ. ապրիլի 14-ին, հիմք ընդունելով ընկերության նախկին տնօրենի կողմից ներկայացված աշխատանքից ազատման դիմումը, հրատապ կարգով հրավիրվել է Տնօրենների խորհրդի նիստ, որտեղ, ի թիվս այլ հարցերի, հաստատվել է նոր տնօրենի նշանակումը»,- ասվում է հաղորդագրության մեջ։
Նշվում է, որ Խաչատրյանը, որպես Տնօրենների խորհրդի անդամ պաշտոնապես միացել է Ucom ընկերության թիմին 2019թ. դեկտեմբերի 25-ին։
Հաղորդագրության մեջ ասվում է, որ ապրիլի 14-ի նիստին ներկա են գտնվել Տնօրենների խորհրդի բոլոր անդամները, սակայն Ալեքսանդր Եսայանը հայտարարել է, որ ինքը նիստը ընդունում է որպես քննարկում և չի մասնակցում նիստին, ինչը նույնպես ներառվել է արձանագրության մեջ:
Արձանագրության քաղվածքի պատճեն բերված է հաջորդիվ :
ԱՌԿԱ-Telecom պորտալին չհաջողվեց մեկնաբանություն ստանալ Եսայան եղբայրներից։
Загружается новость ...
"Право"
Խաչատրյանն ավարտել է Երևանի պետական համալսարանը՝ տնտեսագիտության բակալավրի աստիճանով։ Մագիստրոսական աստիճանը ստացել է Մեծ Բրիտանիայիում գտնվող Լոնդոնի «Բիզնես դպրոցում» և ԱՄՆ Նյու Յորքի Կոլումբիայի համալսարանի «Բիզնես դպրոցում» (MBA): Մասնագիտականորակավորումներունիմիջազգայինֆինանսականևկառավարմանինստիտուտներից։ Աշխատել է PWC, Baker Tilly, Path միջազգային կառավարման խորհրդատվական ընկերությունների առանցքային պաշտոններում, իսկ վերջին տարիներին՝ «Գալաքսի» ընկերությունների խմբում։ Դասավանդում է Հայաստանի Ամերիկյան համալսարանում։ Հանդիսանում է Ամերիկյան համալսարանի շարունակական կրթության խորհրդատվական մարմնի անդամ։
Երեկ Ucom-ը
հերքել էր ընկերության նոր տնօրենի նշանակման մասին լուրը՝ հայտարարելով, որ ընկերության գլխավոր տնօրենը շարունակում է մնալ Հայկ Եսայանը։ Ավելի վաղ Ucom–ի համահիմնադիրներ և բաժնետոմսերի 5,94%–ի սեփականատեր Եսայան եղբայրներն ավելի վաղ առաջարկել են ընկերության մնացած բաժնետերերին գնել նրանց բաժնեմասը 22,1մլրդ դրամով (մոտ 45մլն դոլար), սակայն բաժնետերերը հրաժարվել են վաճառել։ Ապրիլի 14–ին Հայկ Եսայանը հայտարարեց, որ որոշել են վճարել առավելագույն հնարավոր գինը` հաշվի առնելով կազմակերպությունում տարիներ շարունակ ներդրված բոլոր գումարները: Առաջարկի գումարը կազմում է 34,057,000,000 ՀՀ դրամ (մոտ 70 մլն դոլար) բաժնետոմսերի 94,01%–ի համար։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` Ucom–ը կարողացել է իր հաստատուն դիրքը գրավել Հայաստանի հեռահաղորդակցման շուկայում:-0-
