ԵՐԵՎԱՆ, 4 նոյեմբերի. /Նովոստի–Արմենիա/. Ամերիկահայ լրագրող և գրող Զապել Եսայանը ներառվել է աշխարհի ամենախիզախ կանանց հնգյակում
Refinery29 ամերիկյան պորտալի վարկանիշով։
«Զապել Եսայանը կնոջ հիանալի օրինակ է, ով ապրել է այն ժամանակներում և վայրում, որտեղ խիզախ և ինքնավստահ լինելը շատ վտանգավոր էր», – նշվում է հոդվածում։
Եսայանը ծնվել է 1878 թ.–ին Ստամբուլում։ Նա հրապարակել է իր առաջին բանաստեղծությունը շաբաթաթերթում, երբ ընդամենը 16 տարեկան էր, իսկ 17 տարեկանում որոշել է դառնալ պրոֆեսինալ գրող։
19 տարեկանում Եսայանը մեկնել է Ֆրանսիա` գրականություն ուսումնասիրելու, որտեղ ամուսնացել է նկարչի հետ, ինչից հետո տեղափոխվել է Ֆրանսիա։ Սակայն ամուսնու ցանկությանը հակառակ Եսայանը վերադարձել է Ստամբուլ` որպես գրող կայանալու նպատակով։ Ստամբուլում Եսայանը դարձել է մեծագույն ողբերգություններից մեկի ականատեսը. Ադանայում հայ փախստականները փրկվում էին կոտորածից։ Զաբելը որոշում է մեկնել Ադանա։ Իր տպավորությունների հիման վրա նա գրում է «Ավերակների մեջ» գիրքը։
Վերադառնալով Ֆրանսիա` Եսայանը սկսում է գրել այն ամենի մասին, ինչ տեղի էր ունենում Օսմանյան կայսրությունում։
1932 թ.–ին Եսայանին առաջարկում են դասավանդել Երևանի պետական համալսարանում։ Հայաստանն այն ժամանակ ԽՍՀՄ–ի մի մասն էր։
Զապելը Հայաստանում ապրելու մեծ հույսեր ուներ, սակայն մի քանի տարի անց Իոսիֆ Ստալինը սկսեց ակտիվորեն հետապնդել հայ գրական գործիչներին` կալանավորելով գրողներին և նրանց ընտանիքի անդամներին։
Զապելը կալանավորվեց և հայտնվեց բանտում։ Հայտնի չէ, թե երբ և որտեղ է նա մահացել, սակայն նա թողել է 10 գիրք, բազմաթիվ նամակներ և հոդվածներ և, իհարկե, ապացույցներ, որոնք հավաքել էր Հայոց ցեղասպանության ժամանակ։
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։–0–