ԵՐԵՎԱՆ, 21 նոյեմբերի./Նովոստի-Արմենիա/. ՀՀ վարչապետ Նիկոլ Փաշինյանը համառոտ պատմել է, թե ինչպես է անցել հանդիպումը ՌԴ ԱԳ նախարար Սերգեյ Լավրովի հետ:
«Բովանդակալից զրույց ունեցանք ՌԴ ԱԳ նախարար Սերգեյ Լավրովի հետ»,- նշել է նա իր Facebook-յան էջում՝ հանդիպումից լուսանկար հրապարակելով:
Այսօր առավոտյան Երևան է ժամանել ռուսական պատվիրակությունը, որի կազմում բացի ՌԴ ԱԳ նախարարից ներառվել են նաև ՌԴ պաշտպանության նախարար Սերգեյ Շոյգուն, փոխվարչապետ Ալեքսեյ Օվերչուկը, առողջապահության նախարար Միխայիլ Մուրաշկոն և Ռոսպոտրեբնադզորի ղեկավար Աննա Պոպովան։ Ավելի վաղ հաղորդվում էր, որ պատվիրակությունը կայցելի նաև Բաքու։–0–