Միրզոյան. Հայաստանի և ԱՄՆ-ի ռազմավարական գործընկերությունը դուրս է եկել աննախադեպ մակարդակի
ԵՐԵՎԱՆ, 26 մայիսի․/Նովոստի-Արմենիա/․ Հայաստանն ու ԱՄՆ-ը ռազմավարական գործընկերությունը բարձրացրել են նոր մակարդակի՝ այն վերանվանելով համապարփակ ռազմավարական գործընկերություն։
Այս մասին Երևանում ԱՄՆ պետքարտուղար Մարկո Ռուբիոյի հետ համատեղ հայտարարության ժամանակ հայտարարել է ՀՀ արտաքին գործերի նախարար Արարատ Միրզոյանը։
«Հայաստանի և ԱՄՆ-ի միջև համապարփակ ռազմավարական հարաբերություններն այսօր ավելի ամուր են, քան երբևէ։ Մենք անցել ենք աննախադեպ փուլի՝ հաշվի առնելով մեր օրակարգի զարգացումները։ Բոլոր պայմանավորվածությունները, որոնք ձեռք են բերվել այսօր և կիրագործվեն «գետնի վրա», շահեկան են Հայաստանին և աննախադեպ հնարավորություններ կբացեն մեր երկրի համար»,- հայտարարել է Միրզոյանը։
Երեքշաբթի Երևանն ու Վաշինգտոնը Երևանում ստորագրել են ՀՀ-ի և ԱՄՆ-ի միջև ռազմավարական համագործակցության շրջանակային համաձայնագիր՝ «Թրամփի ուղի հանուն միջազգային խաղաղության և բարգավաճման» (TRIPP) նախագծի վերաբերյալ։
Կողմերը նաև ստորագրեցին ՀՀ և ԱՄՆ-ի միջև համապարփակ ռազմավարական գործընկերության կանոնադրությունը, ինչպես նաև երկու երկրների միջև կարևորագույն հանքանյութերի և հազվագյուտ հանածոների արդյունահանման և մշակման ոլորտում մատակարարման ապահովման շրջանակային հուշագիրը։
