Հայկական բեռների համար լաստանավային անցում կբացվի Կերչի միջով. Կալետնիկ
Ուկրաինան ծրագրում է Կերչի միջով լաստանավային անցում բացել հայկական բեռները փոխադրելու համար, չորեքշաբթի Երևանում ասաց Ուկրաինայի պետական մաքսային ծառայության ղեկավար Իգոր Կալետնիկը։
«Կերչում ևս մեկ լաստանավային անցման բացում է ծրագրվում, ինչը հնարավորություն կտա էապես ավելացնել Հայաստան ուղղվող ապրանքահոսքը»,- Հայաստանի մայրաքաղաքում անցկացվող ԱՊՀ մաքսային ծառայությունների ղեկավարների խորհրդի 52-րդ նիստից հետո հրավիրված մամուլի ասուլիսի ժամանակ ասաց Կալետնիկը։
«Այսօրվա դրությամբ Հայաստանի և Ուկրաինայի միջև ապրանքաշրջանառությունը 145 մլն դոլար է կազմում և մինչճգնաժամային անկումներից հետո, որոնք 2009թ.-ին 33 տոկոս մակարդակում էին, այսօր 10 տոկոս աճ կա»,- ասաց նա։
Հայկական բեռները հիմնականում լաստանավային անցումներ են օգտագործում, ինչպես Իլյաչևսկ-Փոթի-Բաթումի ուղղություններով, այնպես էլ Փոթի-Կովկաս ճանապարհով:-0-
